28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Հայաստանի դիվանագիտական ծառայության ներկայացուցիչների մոտ կեսը կանայք են. ԱԳՆ
Քաղաքականություն
24.06.2026 | 22:24
Կին դիվանագետների միջազգային օրվա առթիվ ՀՀ ԱԳ նախարարությունը հունիսի 24-ին հաղորդագրություն է հրապարակել «Ֆեյսբուք»-ի իր պաշտոնական էջում՝ նշելով, որ Հայաստանի դիվանագիտական ծառայության ներկայացուցիչների մոտ 50 տոկոսը կանայք են։
«Կին դիվանագետների միջազգային օրվա առթիվ ևս մեկ անգամ ընդգծում ենք կանանց աճող դերը դիվանագիտական ծառայությունում և առավել ակտիվ ներգրավվածությունն ի նպաստ ավելի ամուր երկխոսության, խաղաղության և անվտանգության։ Գլոբալ բարդ մարտահրավերներով լի այս ժամանակահատվածում կին դիվանագետները շարունակում են առանցքային դեր ունենալ բազմակողմ լուծումների առաջմղման և միջազգային գործընկերությունների ամրապնդման գործում։ Ուրախությամբ արձանագրում ենք, որ Հայաստանի դիվանագիտական ծառայության ներկայացուցիչների մոտ 50 տոկոսը կանայք են»,- ասվում է հաղորդագրության տեքստում։
