24.06.2026 | 20:37
Քննարկվել են ՎԶԵԲ-ի հետ իրականացվող ծրագրերն ու նոր նախաձեռնությունների հնարավորությունները
Թրամփը պնդում է՝ Իրանը տեղեկացրել է ԱՄՆ-ին, որ Հորմուզի նեղուցով անցնող նավերից վճար չի գանձվում
Քաղաքականություն
24.06.2026 | 16:56
ԱՄՆ նախագահ Դոնալդ Թրամփը չորեքշաբթի հայտարարել է, որ Իրանը Վաշիգտոնին տեղեկացրել է, որ Հորմուզի նեղուցով անցնող նավերից որևէ տուրք կամ վճար չի գանձվում, գրում է Reuters-ը։
Երկու երկրները, որոնք երկուշաբթի Շվեյցարիայում ավարտել են բանակցությունների առաջին փուլը, հակասական մեկնաբանություններ են ներկայացրել Իրանի համար ֆինանսական խթանների, Հորմուզի նեղուցի վերահսկողության և Իսրայելի կողմից Լիբանանում զուգահեռ պատերազմի վերաբերյալ, որոնք բոլորն էլ պատերազմը դադարեցնելու համար անցյալ շաբաթ ստորագրված շրջանակային համաձայնագրի հիմնական ասպետկտներն են։
Թրամփը քննադատության է ենթարկվել համաձայնագրի վերաբերյալ երկրի ներսում, այդ թվում՝ Հանրապետական կուսակցության կոշտ գծի ներկայացուցիչների կողմից։
«Իրանը տեղեկացրել է ԱՄՆ-ին, որ չնայած կեղծ լուրերին՝ Իրանը որևէ տուրք, ապահովագրական վճար կամ այլ վճար չի պահանջում կամ չի ստանում Հորմուզի նեղուցով անցնող նավերից։ Եթե սա կեղծ տեղեկատվություն է, բանակցություններն անմիջապես կավարտվեն»,- հայտարարել է ԱՄՆ նախագահը։
Նա նաև նշել է, թե Միացյալ Նահանգներն Իրանին որևէ գումար չի տվել կամ որևէ միջոց չի հատկացրել։
«Մենք կազատենք միջոցների մի մասը, որն ամբողջությամբ վերահսկում ենք, կօգտագործենք մեր ֆերմերներին և անասնապահներին օգնելու համար՝ գնելու եգիպտացորեն, ցորեն, սոյա և այլ ապրանքներ։ Իրանը հուսահատորեն կարիք ունի սննդի, և մենք դրանք կգնենք նրանց համար բացառապես Միացյալ Նահանգներից»,- վստահեցրել է Թրամփը։
Թարգմանությունը՝ Էմմա Չոբանյանի
