15.08.2026 | 21:02
Վահան Կոստանյանը Զելենսկիին է փոխանցել ՀՀ բարձրագույն ղեկավարության շնորհավորանքները
ՀԱՊԿ-ում ՌԴ ներկայացուցիչը խոսել է «ՀՀ-ի նկատմամբ ԱՄՆ-ի ու ԵՄ-ի ծրագրերի վտանգներից»
Քաղաքականություն
24.06.2026 | 14:59
ԱՄՆ-ի և Եվրամիության՝ Հայաստանի վերաբերյալ ծրագրերը սպառնում են լարվածության հետագա սրմամբ Հարավային Կովկասի տարածաշրջանում։ Այս մասին հայտարարել է Հավաքական անվտանգության պայմանագրի կազմակերպության մշտական խորհրդի նախագահ, ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը, գրում է ՌԻԱ Նովոստին։
«ԱՄՆ-ի՝ Զանգեզուրի միջանցքի, իբր, անվտանգությունն ապահովելու ծրագրերը, ԵՄ երկրների՝ Հայաստանն իրենց ռազմական կառույցներում ներառելու մտադրությունները և այս տարածաշրջանում ձեռնարկվող այլ ոչ բարեկամական քայլերը հեռանկարում, վերջին հաշվով, կհանգեցնեն իրավիճակի հետագա սրման»,- ասել է նա՝ ելույթ ունենալով Սանկտ Պետերբուրգի միջազգային իրավական ֆորումում։
Վասիլևը հավելել է, որ ՀԱՊԿ-ը իրավիճակը պահում է հսկողության տակ։
Հիշեցնենք, որ ՀՀ-ն սառեցրել է իր անդամակցությունը ՀԱՊԿ-ին։ Ուշագրավ է նաև, որ չկա որևէ «Զանգեզուրի միջանցք», որի մասին խոսում է Վասիլևը։ Վաշինգտոնում օգոստոսի 8-ին ստորագրված փաստաթղթերում «Զանգեզուրի միջանցք» եզրույթ օգտագործված չէ, կողմերի միջև չկա նման պայմանավորվածություն։ Դրանցում նշվում է «Թրամփի ուղու» (TRIPP) մասին։
Թարգմանությունը՝ Էմմա Չոբանյանի
