21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Ռուսական զորքերը հարվածներ են հասցրել Ուկրաինայի շրջաններին․ զոհ կա
Քաղաքականություն
24.06.2026 | 13:01
Ռուսական զորքերը հունիսի լույս 24-ի գիշերն Ուկրաինայի վրա 101 անօդաչու թռչող սարք են արձակել, որոնցից ՀՕՊ ուժերը խոցել են 95-ը, հայտնել են Ուկրաինայի ռազմաօդային ուժերը։
Սումիի մարզում, ըստ տարածաշրջանային ռազմական վարչակազմի ղեկավար Օլեգ Գրիգորովի, ռուս զինվորականները գիշերը երկու անօդաչու թռչող սարքերով հարվածել են Գլուխով քաղաքում գտնվող հացաբուլկեղենի կոմբինատին, երբ աշխատակիցները պատրաստի արտադրանքը բեռնում էին մեքենաների մեջ։ Ոչ ոք չի տուժել, շենքը և տրանսպորտը վնասվել են։
«Ռուսաստանը կրկին թիրախավորում է քաղաքացիական բիզնեսներն ու տրանսպորտային միջոցները, որոնք սնունդ են մատակարարում մարդկանց և աջակցում են համայնքային կյանքին։ Սրանք քաղաքացիական կյանքի վրա միտումնավոր հարձակումներ են»,- նշել է Գրիգորովը։
Խարկովի շրջանային ռազմական վարչակազմի ղեկավար Օլեգ Սինեգուբովի տեղեկացմամբ՝ Բալակլեայում տեղի ունեցած հարձակման հետևանքով 56-ամյա կին է զոհվել: Վնասվել են չորս մասնավոր տներ, մեկ խանութ և շենք:
Դնեպրոպետրովսկի մարզի Նիկոպոլի շրջանում ռուսական հարձակումների հետևանքով վիրավորվել է երկու մարդ, վնասվել են ենթակառուցվածքներ, վարչական շենք և միկրոավտոբուս, հայտնում է տարածաշրջանային ռազմական վարչակազմի ղեկավար Ալեքսանդր Գանժան։
Պավլոգրադի շրջանում վնասվել են բազմահարկ և մասնավոր տներ, իսկ Սինելնիկի շրջանում՝ բենզալցակայան, մեքենաներ և սրճարան։
Թարգմանությունը՝ Էմմա Չոբանյանի
