06.11.2026 | 01:59
Եվրոպա լիգա. «Արարատ-Արմենիան» ցավալի պարտություն կրեց Պորտուգալիայում. ՏԵՍԱՆՅՈՒԹ
Կարծում եմ` ճիշտ էր «կարմիր գծերը» թանկացնելը. Սուրեն Գրիգորյան․ ՏԵՍԱՆՅՈՒԹ
Տնտեսություն
23.06.2026 | 16:48
«Դատարանի որոշումներին կծանոթանանք։ Սա մեզ համար ազդակ է, որ 2027 թվականի տուրքերը սահմանելիս այդ որոշումների նախագծերի հիմնավորվածությանը առավել լուրջ է պետք մոտենալ»,-այս մասին լրագրողների հետ զրույցում «կարմիր գծերի» մասին խոսելիս նշեց փոխքաղաքապետ Սուրեն Գրիգորյանը։
Ավելի վաղ հայտնել ենք, որ Վճռաբեկ դատարանը վարույթ չի ընդունել Երևանի ավագանու բողոքը, որը վերաբերում էր վճարովի ավտոկայանատեղիների՝ «կարմիր գծերի» թանկացմանը։ Այսպիսով՝ ուժի մեջ է մտել Վարչական դատարանի որոշումը, որով անվավեր են ճանաչվել ավագանու՝ կայանման վճարների բարձրացմանը վերաբերող դրույթները։
«Կարծում եմ՝ դատարանը, ամենայն հարգանքով, իրավասու չէ գնահատական տալու քաղաքական մարմինների քաղաքականության ճիշտ կամ սխալ լինելուն, ոնց որ և մենք իրավունք չունենք դատական իշխանության դատական ակտերի մասով իրավական հիմնավորումները վիճարկելու։
Մենք կարող ենք համաձայն չլինել, մենք կարող ենք ընդհանուր դատական իշխանության աշխատանքից դժգոհ լինել, բայց կոնկրետ դատական ակտերը, եթե օրինական ուժի մեջ մտած են, ենթակա են կատարման»,- նշեց նա։
Մանրամասները՝ տեսանյութում։
