05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ուկրաինական ԱԹՍ-ները կրկին հարձակվել են Ղրիմի վրա․ թիրախում են եղել նավթաբազան, նավթամթերքի տերմինալն ու նավահանգիստը
Քաղաքականություն
23.06.2026 | 11:23
Ուկրաինական ԱԹՍ-ները կրկին հարձակվել են բռնակցված Ղրիմի վրա։ Այս մասին են վկայում հաղորդել են ուկրաինական տելեգրամ ալիքներն ու Ռուսաստանի Պաշտպանության նախարարությունը, գրում է Current time-ը։
«Крымский ветер»-ը հաղորդել է Թեոդոսիայում, Կերչում, Կրասնոպերեկոպսկում և Շչյոլկինո քաղաքի մոտակայքում գիշերը տեղի ունեցած պայթյունների մասին։ Supernova+ ալիքի տվյալներով՝ անօդաչու թռչող սարքերը կրկին հարձակվել են Կերչի նավահանգստի նավթաբազայի, TES-Terminal նավթամթերքի փոխադրման և պահեստավորման համալիրի ու Կովկաս նավահանգստի վրա։
Հաղորդվում է, որ Կովկաս նավահանգստի նավթային տերմինալում նոր հրդեհներ են բռնկվել։
Բացի այդ, տելեգրամ ալիքները, հղում անելով NASA-ի FIRMS ծառայությանը և արբանյակային պատկերներին, հաղորդում են հրդեհի մասին «Նասոսնայա-2» ենթակայանում, Կերչի «Յուժնայա» երկաթուղային կայարանում և Արշինցևոյի շրջանի ջերմաէլեկտրակայանում։
Ռուսաստանի Պաշտպանության նախարարությունը հայտնել է ուկրաինական 141 անօդաչու թռչող սարքի ոչնչացման մասին՝ բռնակցված Ղրիմի, ինչպես նաև Բելգորոդի, Բրյանսկի, Կուրսկի, Կալուգայի, Սմոլենսկի, Տուլայի և Օրյոլի մարզերի, Կրասնոդարի երկրամասի, Մոսկվայի մարզի, ինչպես նաև Սև ու Ազովի ծովերի վրա։
Թարգմանությունը՝ Էմմա Չոբանյանի
