Զախարովան հայտարարել է՝ ՀՀ-ն ձգձգում կամ սառեցնում է Մոսկվայի հետ կապված նախաձեռնությունները

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Հայաստանը մտադիր չէ դանդաղեցնել եվրոպական չափանիշների ներդրումը, այն հետաձգում և սառեցնում է Մոսկվայի հետ կապված նախաձեռնությունները։ Այս մասին ՌԻԱ Նովոստիին տված հարցազրույցում հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան։

«Մեզ հետ կապված լուրջ նախաձեռնությունները հետաձգվում կամ սառեցվում են։ Մինչդեռ մեզ ասվում է՝ «մենք կվերադառնանք դրանց քննարկմանը ընտրություններից հետո»։ Սակայն Երևանում ոչ ոք մտադիր չէ դանդաղեցնել եվրոպական չափանիշների ներդրումը»,- ասել է Զախարովան։

Նա հավելել է, թե Երևանը տարբեր հուշագրեր և «շրջանակային ծրագրեր» է ստորագրում արևմտյան մայրաքաղաքների հետ, այդ թվում՝ համագործակցության վերաբերյալ այն ոլորտներում, որտեղ Մոսկվան միշտ եղել է «ավանդական և հուսալի գործընկեր»։

«Ընտրությունների օրվանից առաջ տեղի է ունեցել արևմտյան երկրների հետ ռազմավարական գործընկերության հռչակագրերի ստորագրումների իսկական շքերթ։ Նույնիսկ այն երկրների հետ, որոնք երազում են Ռուսաստանի պարտության մասին, մեր երկրի դեմ նոր պատժամիջոցներ են կիրառում»,- նշել է ռուսաստանցի դիվանագետը։

Նա նաև հայտարարել է, թե Հայաստանը Ռուսաստանի հետ հարաբերությունները դիտարկում է որպես դեպի եվրոպական ուղի վերակողմնորոշումը ֆինանսապես աջակցելու գործիք։

«Կայուն զգացողություն կա, որ Մոսկվայի հետ հարաբերությունները Երևանում ընկալվում են որպես մի տեսակ «մարտավարական» գործիք՝ դեպի եվրոպական ուղի վերակողմնորոշումը ֆինանսապես աջակցելու համար։ Ռուսաստանը և նրա ԵՏՄ գործընկերներն անընդունելի են համարում Հայաստանի սպառողական մոտեցումը  իրենց հաշվին ԵՄ-ին անդամակցելու հարցում։ Ես ևս մեկ անգամ ընդգծում եմ, որ մեզ համար անընդունելի է զուտ սպառողական մոտեցումը՝ ԵՄ գնալ մեր հաշվին»,- ասել է Զախարովան։

Ըստ նրա՝ Ռուսաստանը, Բելառուսը, Ղազախստանը և Ղրղզստանը ցանկանում են, որ Հայաստանը հնարավորինս շուտ որոշում կայացնի ԵՏՄ-ին և ԵՄ-ին անդամակցության միջև։

«Ռուսաստանը, ինչպես ԵՏՄ մյուս երեք երկրները՝ Բելառուսը, Ղազախստանը և Ղրղզստանը, ցանկանում է հնարավորինս շուտ պարզաբանումներ ստանալ այս հարցում»,- ասել է Զախարովան։

Ըստ նրա՝ պատահական չէ, որ միության չորս երկրների ղեկավարների մայիսի 29-ի համատեղ հայտարարության մեջ ընդգծվում է Հայաստանում համապատասխան հանրաքվեի հնարավորինս շուտ անցկացման անհրաժեշտությունը, որը ՀՀ Սահմանադրությամբ նախատեսված միակ մեխանիզմն է՝ վերազգային միջազգային կազմակերպություններին երկրի անդամակցության վերաբերյալ որոշումներ կայացնելու համար։ Զախարովան հավելել է, որ հայտարարությունը ենթադրում է, որ Ռուսաստանի, Բելառուսի, Ղազախստանի և Ղրղզստանի կառավարությունները կպատրաստեն համատեղ զեկույց՝ վերլուծելով ստեղծված իրավիճակը այս տարվա դեկտեմբերին կայանալիք Եվրասիական տնտեսական բարձրագույն խորհրդի նիստի համար։

«Եվ նման աշխատանք անպայման կիրականացվի»,- եզրափակել է նա։

Թարգմանությունը՝ Էմմա Չոբանյանի