Իսրայելը դիտարկում է Լիբանանի հետ բանակցությունների շրջանակում զորքերի «խորհրդանշական» դուրսբերման մասին հայտարարելու հնարավորությունը. CNN

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Իսրայելը դիտարկում է Հարավային Լիբանանի օկուպացված տարածքներից զորքերի «խորհրդանշական» դուրսբերման մասին հայտարարելու հնարավորությունը՝ որպես առաջիկա բանակցությունների մաս: Այս մասին CNN-ին հայտնել է իրավիճակին ծանոթ իսրայելական աղբյուրը։

Նա նշել է, որ այս գաղափարը քննարկվել է Իսրայելի և Լիբանանի միջև այս շաբաթ Վաշինգտոնում ԱՄՆ նախագահ Դոնալդ Թրամփի վարչակազմի հովանու ներքո կայանալիք եռօրյա բանակցություններից առաջ։ Զորքերի դուրսբերումը կնշանակի որոշ ուժերի նահանջ, այսպես կոչված, դեղին գծի վրայով գտնվող աննշան տարածքներից, որը սահմանազատում էր Իսրայելի զինված ուժերի կողմից ապրիլին կնքված նախորդ հրադադարից հետո զինադադարի սահմանը։

Աղբյուրը CNN-ին հայտնել է, որ Իսրայելը քննարկում է զորքերի սահմանափակ դուրսբերման հնարավորությունը որպես Լիբանանի կառավարությանն ուղղված «ժեստ», որի նպատակն է առաջնահերթություն տալ դիվանագիտական ​​ուղղությանը և Լիբանանն առանձնացնել ԱՄՆ-Իրան հրադադարի բանակցություններից։

Կիրակի Իսրայելի պաշտպանության նախարար Իսրայել Կացը հերքել էր, որ իսրայելական զինվորականները դուրս կգան Բոֆորտ ամրոցից։ Այն գտնվում է մի լեռնաշղթայի վրա, որտեղ վերջին օրերին տեղի են ունեցել ամենաթեժ մարտերը: Կացը և երկրի վարչապետ Բենիամին Նեթանյահուն խոստացել են, որ Իսրայելը չի ​​դուրս գա այն տարածքից, որը նրանք նկարագրում են որպես հարավային Լիբանանի անվտանգության գոտի։ Իսրայելի զինված ուժերի շտաբի պետ, գեներալ-լեյտենանտ Էյալ Զամիրը և Լիբանանի զինված ուժերի հրամանատար, գեներալ Ռոդոլֆ Հայկալը կիրակի առանձին այցելել են հարավային Լիբանան:

Բացի այդ, հաղորդվում է, որ Լիբանանի նախագահ Ջոզեֆ Աունը քննարկել է իր երկրում հակամարտության դադարեցման ջանքերը ԱՄՆ փոխնախագահ Ջեյ Դի Վենսի և Կատարի վարչապետ Մոհամմեդ բին Աբդուլռահման ալ-Թանիի հետ, հայտնում է Լիբանանի նախագահականը X-ում։

«Հեռախոսազրույցի ընթացքում քննարկվել են Լիբանանում հրադադարի ամրապնդման, Իսրայելի ռազմական էսկալացիայի դադարեցման և այս առումով ձեռնարկվելիք քայլերի հարցերը, այդ թվում՝ այս նպատակով բջիջ ստեղծելու հնարավորությունը»,- ասվում է երկուշաբթի տարածված հայտարարությունում։

Զրույցը տեղի է ունեցել Շվեյցարիայում կայացած բանակցությունների ֆոնին, որտեղ ԱՄՆ-ն և Իրանը կիրակի համաձայնության են եկել ձևավորել «հակամարտության դադարեցման բջիջ»՝ Լիբանանում ռազմական գործողությունների դադարեցման համաձայնագրի իրականացումն ապահովելու համար։

Զրույցին մասնակցել է նաև ԱՄՆ նախագահ Դոնալդ Թրամփի փեսան՝ Ջարեդ Քուշները, որը հատուկ դեսպան Սթիվ Ուիթկոֆի հետ միասին ղեկավարել է Իրանի հետ բանակցությունները՝ փոխըմբռնման հուշագրի հասնելու համար։

Այս շաբաթ Վաշինգտոնում նախատեսված է Լիբանանի և Իսրայելի պատվիրակությունների միջև բանակցությունների նոր փուլ։

Թարգմանությունը՝ Էմմա Չոբանյանի