22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Իրանը կրկին փակել է Հորմուզի նեղուցը
Քաղաքականություն
20.06.2026 | 18:24
Իրանն արձագանքելով Լիբանանի դեմ Իսրայելի ագրեսիային՝ դարձյալ փակել է Հորմուզի նեղուցը։ «Արմենպրես»-ի հաղորդմամբ՝ այս մասին հայտնում են իրանական լրատվամիջոցները։
Իրանը վերստին դադարեցրել է Հորմուզի նեղուցով նավագնացությունը՝ այդ կերպ պատասխանելով Լիբանանի նկատմամբ Իսրայելի շարունակական հարձակումներին և իրանա-ամերիկյան փոխըմբռնման հուշագրով սահմանված համընդհանուր հրադադարի վերաբերյալ դրույթի խախտմանը Միացյալ Նահանգների կողմից։
Լրատվամիջոցի տեղեկացմամբ՝ նման հայտարարությամբ է հանդես եկել Իրանի զինված ուժերի կենտրոնական շտաբի ռազմական հրամանատարությունը։
«Հաշվի առնելով ԱՄՆ-ի կողմից իր խոստումների կոպիտ խախտումը և պատերազմը դադարեցնելու վերաբերյալ փոխըմբռնման հուշագրի առաջին կետը չկատարելը, ինչպես նաև Լիբանանի հարավում Իսրայելի կողմից հրադադարի շարունակական խախտումները՝ Հորմուզի նեղուցը հայտարարվում է փակված»,- նշված է հայտարարությունում, որի տեքստը ներկայացրել է Իրանի պետական հեռարձակողը՝ IRIB-ը։
Նշվում է, որ Լիբանանի դեմ ագրեսիայի շարունակվելու դեպքում Թեհրանը կձեռնարկի նոր քայլեր՝ նշված պարտավորությունների կատարումն ապահովելու ուղղությամբ։
