03.08.2026 | 15:05
Մոտիկից չեմ տեսել ռուսի, որը զենք է վաճառել Ադրբեջանին` Հայաստանի դեմ կիրառելու համար. Կարապետյան․ ՏԵՍԱՆՅՈՒԹ
Ես պիտի իմանա՞մ, թե ինչ պայմանավորվածություն ունեն. Մինասյանը` Քոչարյանի և Կարապետյանի հանդիպման մասին. ՏԵՍԱՆՅՈՒԹ
Քաղաքականություն
19.06.2026 | 19:13
«Հայաստան» դաշինքի պատգամավորի թեկնածու Արծվիկ Մինասյանը ՍԴ-ի դիմաց հայտարարեց, որ դաշինքն աջակցում է ընդդիմադիր ուժերի համախմբմանը՝ գործող իշխանությունների դեմ պայքարում։ Նրա խոսքով՝ ընդդիմությունը պատրաստ է կիրառել Սահմանադրությամբ նախատեսված բոլոր օրինական մեխանիզմները՝ իշխանափոխության հասնելու համար։
Անդրադառնալով նոր ընտրությունների հնարավորությանը՝ «Հայաստան» դաշինքի ներկայացուցիչը նշեց, որ ընդդիմությունը Սահմանադրական դատարան է ներկայացրել բազմաթիվ խախտումների վերաբերյալ փաստեր։ Նրա խոսքով՝ եթե ՍԴ-ն կամք դրսևորի և ընտրությունների արդյունքներն անվավեր ճանաչի, ապա դա հնարավորություն կտա անցկացնել նոր ընտրություններ և, ըստ նրա, ապահովել սահմանադրականության վերականգնումը։
Factor TV-ի հարցին՝ արդյոք Ռոբերտ Քոչարյանն ու Սամվել Կարապետյանը հանդիպել են, Մինասյանը բացասական պատասխանեց տվեց։ Արդյոք պատրաստվո՞ւմ են հանդիպել՝ հետաքրքվեցինք նրանից։
«Դուք հիմա ինձ հարց եք տալիս մարդկանց ծրագրերից, մտքերից, հանդիպումներից։ Եթե այդպիսի բան լինի, հրապարակային դաշինքը, այդ թվում՝ նաև նախագահ Ռոբերտ Քոչարյանը կհայտարարի, կասի, կամ կա մամուլի պատասխանատու։ Ես պիտի իմանա՞մ, թե մարդիկ իրար հետ ինչ պայմանավորվածություններ ունեն»։
Մանրամասները՝ տեսանյութում։
