05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Ճանապարհների թերությունների մասին կարելի է հայտնել Arm Roads Info հավելվածով
19.06.2026 | 09:48
ՀՀ հանրապետական և միջպետական նշանակության ճանապարհներին նկատված թերությունների մասին քաղաքացիները կարող են տեղեկացնել պատասխանատուներին Arm Roads Info բջջային հավելվածի միջոցով։ Հավելվածում հնարավոր է տեղորոշել խնդրահարույց ճանապարհահատվածը, կցել լուսանկար և մեկնաբանություն, ինչպես նաև ստանալ տեղեկություններ ընթացիկ շինաշխատանքների, ճանապարհների անցանելիության և շրջանցիկ ուղիների մասին։
«Եթե նկարել եք թերություններ ՀՀ հանրապետական և միջպետական նշանակության ճանապարհներին, ապա Arm Roads Info բջջային հավելվածի միջոցով կարող եք այդ մասին տեղեկացնել պատասխանատուներին, և կարճ ժամկետում այդ թերությունները կվերացվեն։
Arm Roads Info («Ճանապարհների տեղեկատու») բջջային հավելվածը կարող եք ներբեռնել PlayMarket-ում և AppStore-ում։
Հավելվածում առկա է եռալեզու ուղեցույց, որը կհուշի՝ ինչպես այն օգտագործել։
Պարզապես ճանապարհահատվածում, որտեղ արձանագրել եք թերություն, կատարեք տեղորոշում, լուսանկար, կցեք այն, նշեք մեկնաբանություն, ձեր էլ. հասցեն և սեղմեք «Հաստատել» կոճակը։
Հավելվածը նաև տեղեկատվական հարթակ է։ Այն ձեզ կծանուցի ընթացիկ շինաշխատանքների, ճանապարհների անցանելիության, շրջանցիկ ճանապարհների մասին»,- ասված է Ճանապարհային դեպարտամենտ հիմնադրամի տարածած հաղորդագրությունում։
