ՀՀ-ում ԱՄն դեսպանության հրավերով Հայաստանում են անվասայլակով բասկետբելի սպորտային բանագնացներ Ռոզ Հոլերմանը և Սթիվ Սերիոն։
Այցն իրականացվել է ԱՄն պետքարտուղարության կրթական ու մշակութային գործերի բյուրոյի «Սպորտային բանագնացներ» ծրագրի շրջանակում։
«Կարծում եմ՝ սա իսկապես շատ կարևոր է։ Շատ լավ է, երբ հաշմանդամությունը տեսանելի է դառնում, և մարդիկ հնարավորություն են ունենում տեսնելու մարզիկներին ու այն ամենն, ինչ կարելի է անել սայլակի օգնությամբ»,- Factor TV-ի հետ զրույցում նշում է Պարալիմպիկ խաղերի քառակի մասնակից և բազմակի մեդալակիր Ռոզ Հոլերմանը։
Պարալիմպիկ խաղերի հնգակի մասնակից, եռակի ոսկե մեդալակիր Սթիվ Սերիոն էլ շեշտում է, որ սա և՛ իր, և՛ Ռոուզի համար չափազանց մեծ նշանակություն ունի․«Մենք այստեղ ենք եկել ոչ միայն սայլակով բասկետբոլի հմտություններ սովորեցնելու, այլև ցույց տալու, թե ինչ հնարավորություններ կարող են ունենալ հաշմանդամություն ունեցող մարդիկ»։
Սա նաև ԱՄն անկախության 250-ամյա հոբելյանին նվիրված «Ազատություն 250» խորագրով իրականացվող նախաձեռնություններից մեկն է․ «Մենք երկու տարի աշխատել ենք, որպեսզի այս երազանքը իրականություն դառնա, և շատ ուրախ ենք, որ այսօր այստեղ ենք։ Սա հրաշալի ժամանակ և բացառիկ հնարավորություն է, և ես հույս ունեմ, որ շատ մարդիկ կմիանան մեզ ու կգան տեսնելու սա»,-նշում է ՀՀ-ում ԱՄՆ դեսպանության Հանրային կապերի բաժնի ղեկավար Թորի Գոուդը։
Մանրամասները՝ տեսանյութում։
Աննա Բաբաջանյան
