28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Մեսին ևս մեկ ռեկորդ է սահմանել աշխարհի առաջնություններում
17.06.2026 | 16:19
Արգենտինայի հավաքականի ավագ Լիոնել Մեսին, ԱՄՆ-ում, Կանադայում և Մեքսիկայում ընթացող ԱԱ-2026-ի առաջին տուրում հեթ-տրիկի հեղինակ դառնալով Ալժիրի հավաքականի դեմ խաղում, սահմանել է ռեկորդ, հաղորդում է Opta-ն։
Ամերիկյան «Ինտեր Մայամիի» հարձակվողը պատմության մեջ առաջին ֆուտբոլիստն է, որն աշխարհի առաջնություններում գոլ է խփել 11 տարբեր հավաքականների։ Այդ ցուցանիշով 38-ամյա Մեսին գերազանցել է Կրիշտիանու Ռոնալդուին, Յուրգեն Կլինսմանին ու Միրոսլավ Կլոզեին, որոնք 10-ական թիմերի են գոլ խփել Մունդիալներում։
Մեսին 6-րդ անգամ է մասնակցում աշխարհի առաջնությանը։ Ալժիրի հավաքականի դեմ խաղում հեթ-տրիկից հետո «Ոսկե գնդակի» 8-ակի դափնեկիրը 16 գոլով հավասարվել էր աշխարհի առաջնություններում ամենաշատ գոլ խփած գերմանացի Միրոսլավ Կլոզեին։
