16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Շոգ է, չեն ուզում աշխատել․ Ջուլհակյանը՝ ընդդիմադիրների բացակայությունների մասին․ ՏԵՍԱՆՅՈՒԹ
Քաղաքականություն
17.06.2026 | 16:11
«Նախկինում եղել են դեպքեր, երբ որոշ բացակայությունների ժամանակ, մասնավորապես պարոն Մինասյանը զանգել և տեղեկացրել է, որ ի վիճակի չի լինելու մասնակցել հանձնաժողովներին: Բայց այս վերջին շրջանում, որ ասացի՝ չեն գալիս, լիագումար նիստերին զուգահեռ չեն մասնակցում, որևէ կերպ չեն զգուշացրել»,- այս մասին ԱԺ-ում հայտնեց պետաիրավական հանձնաժողովի նախագահ Արուսյակ Ջուլհակյանը՝ անդրադառնալով քառօրյային ընդդիմադիրների բացակայությանը:
«Ես ինքս փորձում եմ հասկանալ, իհարկե, ինչով է պայմանավորված նրանց բացակայությունը. կարծում եմ եղանակային պատճառներով, կարծում եմ շոգ է, և չեն ցանկանում աշխատել պարզապես»,- ասաց նա:
Նիստը վարող ԱԺ փոխխոսնակ Ռուբեն Ռուբինյանն ավելացրեց․ «Փաստորեն Հայաստանի Հանրապետությունը երևի աշխարհում միակ երկիրն է, որտեղ պատգամավորների մի մասը գործից փախել է: Սրան ուրիշ անուն հնարավոր չէ տալ. քաղաքական բոյկոտ չէ, չեն հայտարարել որևէ քաղաքական պատճառ, թե ինչու չեն գալիս գործի: Չեն գալիս գործի, ու այս մարդիկ են, որ ասում են՝ «մենք պետք է վերցնենք մանդատները և օր ու արև չտանք իշխանությանը»»։
Մանրամասները՝ տեսանյութում։
