28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Մբապեն՝ Ֆրանսիայի հավաքականի պատմության լավագույն ռմբարկու
17.06.2026 | 12:56
Մադրիդի «Ռեալի» հարձակվող Կիլիան Մբապեն դարձել է Ֆրանսիայի հավաքականի պատմության լավագույն ռմբարկուն, հաղորդում է BBC-ն։
ԱՄՆ-ում, Կանադայում և Մեքսիկայում շարունակվող աշխարհի առաջնության առաջին տուրում 27-ամյա ֆուտբոլիստը դարձել էր դուբլի հեղինակ՝ օգնելով ֆրանսիացիներին 3։1 հաշվով հաղթել Սենեգալի հավաքականին։
Մբապեն ազգային թիմում գոլերի քանակը հասցրել է 58-ի (99 խաղում)։ Մինչև այս Ֆրանսիայի հավաքականի բոլոր ժամանակների լավագույն ռմբարկուն Օլիվիե Ժիրուն էր, որը դարձել է 57 գոլի հեղինակ։
Կիլիան Մբապեն աշխարհի առաջնություններում գոլերի թիվը հասցրել է 14-ի։ Այդ ցուցանիշով նրան գերազանցում են միայն գերմանացի Միրոսլավ Կլոզեն (16 գոլ), արգենտինացի Լիոնել Մեսին (16 գոլ) ու բրազիլացի Ռոնալդոն (15 գոլ)։
ԱԱ-2026-ի խմբային փուլում ֆրանսիացիները մրցելու են նաև Իրաքի և Նորվեգիայի հավաքականների հետ։
