16.06.2026 | 12:17
ԵՄ-ն բացել է Ուկրաինայի և Մոլդովայի՝ Միությանն անդամակցության բանակցությունների առաջին կլաստերը
Հունգարիայի խորհրդարանը սահմանափակել է վարչապետի պաշտոնավարման ժամկետը
Քաղաքականություն
16.06.2026 | 11:05
Հունգարիայի խորհրդարանը հաստատել է երկրի Սահմանադրությունում փոփոխությունը, որով վարչապետի լիազորությունները սահմանափակվում են երկու ժամկետով՝ 4-ական տարի: Հունիսի 15-ին անցկացված քվեարկության ժամանակ խորհրդարանի 134 անդամ կողմ է քվեարկել նախաձեռնությանը, 50-ը՝ դեմ, 6-ը՝ ձեռնպահ, գրում է DW-ի ռուսական ծառայությունը։
Փոփոխությունը վերաբերում է բոլոր գործիչներին, որոնք 1990 թվականից ի վեր զբաղեցրել են վարչապետի պաշտոնը: Սա նշանակում է, որ երկիրը 16 տարի կառավարած նախկին վարչապետ Վիկտոր Օրբանն այլևս չի կարողանա հավակնել վարչապետի պաշտոնին։
Սահմանադրական փոփոխություններով վարչապետի պաշտոնավարման ժամկետների սահմանափակումը ապրիլի 12-ի խորհրդարանական ընտրություններից հետո Հունգարիայի վարչապետ ընտրված Պետեր Մագյարի նախընտրական խոստումներից էր։ Քաղաքական գործիչը պնդում է, որ սա կօգնի կանխել մեկ անձի ձեռքում չափազանց մեծ իշխանության կենտրոնացումը։
Հունգարիայի խորհրդարանում Մագյարի «Տիսա» կուսակցությունը քվեարկել է փոփոխության օգտին, մինչդեռ Օրբանի «Ֆիդես» կուսակցությունը դեմ է արտահայտվել։
Թարգմանությունը՝ Էմմա Չոբանյանի
