06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Քալիֆորնիայում B-52 ռմբակոծիչի կործանման հետևանքով 8 մարդ է զոհվել
Քաղաքականություն
16.06.2026 | 10:24
ԱՄՆ ռազմաօդային ուժերի B-52 ռմբակոծիչի կործանման հետևանքով, որը տեղի է ունեցել Քալիֆորնիայի «Էդվարդս» ռազմաօդային բազայում, զոհվել է 8 մարդ, գրում է DW-ն։
«Մենք կորցրեցինք ութ հիանալի ամերիկացիների»,- մամուլի ասուլիսում ասել է «Էդվարդս» ռազմաօդային բազայի փոխհրամանատար Ջեյմս Հեյսը։
Նշվում է, որ ինքնաթիռից, որը կործանվել է տեղական ժամանակով 11:20-ի սահմաններում, գրեթե ոչինչ չի մնացել։
Ռազմաբազան ստեղծել է ժամանակավոր անվտանգության խորհուրդ՝ նախնական փաստեր հավաքագրելու համար, որոնք կհանգեցնեն անվտանգության հետաքննության: Հեյսն ասել է, որ ամբողջ գործընթացը կարող է տևել մինչև վեց ամիս։ Ինքնաթիռի անկումից հետո ամբողջ օդանավակայանը փակվել է, բոլոր մուտքային չվերթները վերահասցեագրվել են։
Վթարից առաջ անձնակազմը պլանային փորձարկումներ էր անցկացնում։ Վթարի պատճառը հետաքննվում է։
«Էդվարդս» ռազմաօդային բազան գտնվում է Լոս Անջելեսից շուրջ 100 մղոն (161 կիլոմետր) հյուսիս, այստեղ է անցկացվում Ռազմաօդային ուժերի ինքնաթիռների գաղտնի փորձարկումների մեծ մասը։
Կործանված ինքնաթիռը Boeing B-52 ռմբակոծիչ էր, որը պաշտոնապես հայտնի է որպես Boeing B-52 Stratofortress։ Սովորաբար հինգ հոգուց բաղկացած անձնակազմով ինքնաթիռները շահագործման են հանձնվել 1995 թվականին։ B-52-ը նախագծվել է ԱՄՆ-ին Սառը պատերազմի ժամանակ ռազմավարական միջուկային հնարավորությունների զգալի առավելություն տրամադրելու համար, մասնավորապես, Խորհրդային Միության դեմ, որն այդ ժամանակ միջմայրցամաքային ռմբակոծիչ չուներ։
Նախատեսված լինելով ինչպես սովորական, այնպես էլ միջուկային զենք կրելու համար, այն օգտագործվել է Վիետնամի պատերազմից մինչև Մերձավոր Արևելքում վերջերս տեղի ունեցած գործողությունները։
Թարգմանությունը՝ Էմմա Չոբանյանի
