22.10.2026 | 16:13
Հոկտեմբերի 23-ից Տերյան փողոցում և Սայաթ-Նովայի պողոտայում որոշ հատվածներում կանգառն արգելվելու է
Ադրբեջանի և Հայաստանի միջև խաղաղության գործընթացը վերջին տարիներին Հարավային Կովկասում ամենանշանակալի իրադարձությունն է․ Բաքվում Գերմանիայի դեսպան
Քաղաքականություն
15.06.2026 | 20:08
Ադրբեջանի և Հայաստանի միջև խաղաղության գործընթացը վերջին տարիներին դարձել է Հարավային Կովկասում տեղի ունեցած ամենանշանակալի իրադարձությունը։ Ադրբեջանական լրատվամիջոցների փոխանցմամբ՝ այս մասին հայտարարել է Ադրբեջանում Գերմանիայի դեսպան Ռալֆ Հորլեմանը ադրբեջանցի լրագրողների հետ հրաժեշտի հանդիպման ժամանակ։
Նրա խոսքով՝ հակամարտության կարգավորումը և հետագայում Բաքվի ու Երևանի միջև խաղաղության համաձայնագրի պատրաստման գործընթացի մեկնարկը կարևոր նվաճում են երկու կողմերի համար։
«Սա իսկապես մեծ առաջընթաց և կարևոր ձեռքբերում է»,- ասել է դեսպանը։
Նա ընդգծել է, որ խաղաղության գործընթացին աջակցելն Ադրբեջանում դիվանագիտական առաքելության ընթացքում իր հիմնական առաջնահերթություններից մեկն է եղել։ Դեսպանը կարծիք է հայտնել, որ կայուն խաղաղության հասնելը բխում է ոչ միայն Ադրբեջանի և Հայաստանի, այլև ամբողջ տարածաշրջանի շահերից՝ բացելով լրացուցիչ հնարավորություններ Ասիայի և Եվրոպայի միջև տնտեսական համագործակցության ընդլայնման և առևտրային կապերի զարգացման համար։
Թարգմանությունը՝ Էմմա Չոբանյանի
