15.06.2026 | 20:00
Վտանգավոր է․ չենք կարող ձևավորել ԱԺ՝ կոպիտ խախտելով սահմանադրական օրենքների պահանջները․ Հասմիկ Հարությունյան․ ՏԵՍԱՆՅՈՒԹ
Հայաստանից Ուկրաինա արտահանված որևէ բեռ չի վերադարձվել. ՍԱՏՄ
Տնտեսություն
15.06.2026 | 18:41
Սննդամթերքի անվտանգության տեսչական մարմինը հերքել է մամուլում տարածված տեղեկությունը, ըստ որի՝ Ուկրաինան վերադարձրել է Հայաստանից արտահանված պղպեղով բեռնատարը՝ բեռում թրիփս միջատ հայտնաբերելու պատճառով։ Գերատեսչությունից հայտնում են, որ Ուկրաինայից որևէ ծանուցում կամ բեռի անհամապատասխանության վերաբերյալ հաղորդում չեն ստացել, իսկ Հայաստանից արտահանված որևէ բուսասանիտարական ենթահսկման բեռ չի վերադարձվել։
Այսօր հայկական կայքերից մեկը՝ armatmedia.am-ը, տեղեկություն է տարածել այն մասին, թե Ուկրաինան ետ է ուղարկել հայկական պղպեղով բեռնված բեռնատարը, որովհետև, մեջբերում ենք, «պղպեղում միջատ է հայտնաբերվել», մասնավորապես՝ թրիփս:
«Տեղեկացնում ենք, որ հրապարակումը իրականությանը չի՛ համապատասխանում:
Հայաստանից Ուկրաինա արտահանված բուսասանիտարական ենթահսկման որևէ բեռ չի վերադարձվել, Ուկրաինայի լիազոր մարմնից ՀՀ սննդամթերքի անվտանգության տեսչական մարմինը բեռների անհամապատասխանության վերաբերյալ որևէ գրություն կամ ծանուցում չի ստացել: Չի ստացվել նաև ահազանգ տնտեսվարողներից:
Լրատվամիջոցին առաջարկում ենք հրապարակել իր «տեղեկությունների» աղբյուրը, եթե, իհարկե, այն կա:
Իսկ այլ լրատվամիջոցների հորդորում ենք չտարածել չճշտված ու կեղծ տեղեկատվություն»,- ասվում է հաղորդագրությունում:
