05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
WTA. Տիտղոս նվաճելուց հետո Էլինա Ավանեսյանն առաջադիմել է դասակարգման աղյուսակում
15.06.2026 | 11:38
Հայաստանի ներկայացուցիչ Էլինա Ավանեսյանը մեծ առաջընթաց է գրանցել Կանանց թենիսի ասոցիացիայի (WTA) դասակարգման աղյուսակում։
Խորվաթիայի մայրաքաղաք Զագրեբում անցկացված ITF W100 շարքի մրցաշարի հաղթողի տիտղոսը նվաճելուց հետո 23-ամյա թենիսիստն առաջադիմել է 66 աստիճան ու զբաղեցնում է 215-րդ տեղը։
WTA-ի վարկանիշային ցուցակը շարունակում է գլխավորել բելառուս Արինա Սաբալենկան, որին հաջորդում են Ելենա Ռիբակինան (Ղազախստան) ու Իգա Շվյոնտեկը (Լեհաստան)։ Լավագույն տասնյակում են նաև Ջեսիկա Պեգուլան (ԱՄՆ), Միրա Անդրեևան (Ռուսաստան), Ամանդա Անիսիմովան, Կորի Գաուֆը (ԱՄՆ), Էլինա Սվիտոլինան (Ուկրաինա), Վիկտորյա Մբոկոն (Կանադա) ու Կարոլինա Մուխովան (Չեխիա)։
Հիշեցնենք, որ Զագրեբի մրցաշարում Էլինա Ավանեսյանը տարել էր 5 հաղթանակ ու կարիերայի 6-րդ տիտղոսը նվաճել ITF շարքի մրցաշարերում։ WTA-ի վարկանիշային ցուցակում նրա ամենաբարձր դիրքը եղել է 36-րդ տեղը (2025թ․ մարտին)։
