06.07.2026 | 08:56
Խուզարկում են Գագիկ Ծառուկյանի տունը
Ինչ է պատասխանել ԿԸՀ-ն` վերաքվեարկություն կազմակերպելու հարցով. ՏԵՍԱՆՅՈՒԹ
Քաղաքականություն
12.06.2026 | 16:43
«Մեր 2600 բնակիչներին ապօրինի զրկել են իրենց ձայնի իրավունքից։ Միանշանակ պետք է նորից քվեարկություն անենք »,- ԿԸՀ քարտուղար Արմեն Սմբատյանի հետ հանդիպումից հետո հայտարարեցին «Բարգավաճ Հայաստան» կուսակցության ներկայացուցիչները, որոնք հավաքվել էին շենքի դիմաց։
Factor TV-ի հարցին՝ թե արդյոք ԿԸՀ-ն համաձայնել է վերաքվեարկության, ԲՀԿ ներկայացուցիչը պատասխանեց, որ հանձնաժողովի անդամը հղում է արել մարմնի կոլեգիալ բնույթին։
«Ասում է՝ մենք կոլեգիալ մարմին ենք, ես չեմ կարող պատասխանել։ Բայց ես ձեզ վստահեցնում եմ՝ այս կռիվը «Քաղաքացիական պայմանագիրը» տանում է միայն, որ «Բարգավաճ Հայաստանը» չանցնի և ինքը ունենա սահմանադրական մեծամասնություն»,- նշեց ԲՀԿ-ի ցուցակով պատգամավորի թեկնածու Գևորգ Ստեփանյանը։ ԲՀԿ մամուլի խոսնակ Իվետա Տոնոյանի խոսքով՝ երկու ընտրատեղամասերի արդյունքները անվավեր ճանաչելու որոշումը կայացվել է գիշերվա կեսին և հապճեպության պայմաններում։ «Ոչ մի այդպիսի հրատապության հարց չկար։ Նույնիսկ կարելի էր այդ գործընթացն իրականացնել առավոտյան՝ լրատվամիջոցների ներկայացուցիչների ներկայությամբ և թափանցիկության պայմաններում»,- ասաց Տոնոյանը։
Նա նաև հայտարարեց, որ կուսակցությունը պատրաստվում է ԿԸՀ նախագահ Վահագն Հովակիմյանին ջրաներկ նվիրել։
Մանրամասները՝ տեսանյութում։
