06.11.2026 | 11:11
Գարեգին Բ-ի և եպիսկոպոսների գործով նիստը՝ ՈՒՂԻՂ
Հարավային Կորեայի նախկին նախագահը դատապարտվել է ևս 30 տարվա ազատազրկման
Քաղաքականություն
12.06.2026 | 14:30
Սեուլի կենտրոնական շրջանային դատարանը հունիսի 12-ին Հարավային Կորեայի նախկին նախագահ Յուն Սոկ Յոլին դատապարտել է 30 տարվա ազատազրկման՝ Հյուսիսային Կորեա անօդաչու թռչող սարք ուղարկելու գործով, գրում է DW-ի ռուսական ծառայությունը։
Հարավկորեական Yonhap գործակալության հաղորդմամբ՝ 65-ամյա նախկին ղեկավարը մեղավոր է ճանաչվել «թշնամուն օգնելու և իշխանությունը չարաշահելու մեջ»։
Մեղադրական եզրակացության համաձայն՝ Յունը 2024 թվականի հոկտեմբերին հրամայել է զինված անօդաչու թռչող սարքեր ուղարկել Փհենյանի օդային տարածք։ Մեղադրողները պնդում են, որ դա արվել է երկրում ռազմական դրություն հայտարարելու համար պատրվակ ստեղծելու նպատակով։ Նախկին նախագահը հերքում է մեղադրանքները։
2024 թվականի դեկտեմբերին Հարավային Կորեայում ռազմական դրություն մտցնելու՝ նախկին նախագահի փորձը ձախողվել էր խորհրդարանական դիմադրության պատճառով։ Միջադեպը հանգեցրել էր Յունի պաշտոնանկությանը և խորապես պառակտել հարավկորեական հասարակությունը։
Յուն Սոկ Յոլի դեմ հարուցվել է, ընդհանուր առմամբ, ութ քրեական գործ՝ կապված երկրում ռազմական դրություն մտցնելու փորձի հետ։ 2026 թվականի փետրվարին Սեուլի կենտրոնական շրջանային դատարանը Յունին դատապարտել է ցմահ ազատազրկման՝ պաշտոնեական լիազորությունների չարաշահման և ապստամբության հրահրման մեղադրանքով։ Մեղադրողները պահանջել էին մահապատիժ։ Նա բողոքարկել է դատավճիռը։
Թարգմանությունը՝ Էմմա Չոբանյանի
