02.07.2026 | 19:21
Գագիկ Խաչատրյանի որդին և եղբորորդին կկալանավորվեն․ 200 մլն դրամ կիրառված գրավը դարձել է պետական եկամուտ
Թրամփը հայտարարել է, որ ԱՄՆ-ն այսօր «շատ ուժեղ» կհարվածի Իրանին, նաև սպառնացել գրավել Խարգ կղզին
Քաղաքականություն
11.06.2026 | 17:50
ԱՄՆ նախագահ Դոնալդ Թրամփը հայտարարել է, որ ԱՄՆ-ը կգրավի Խարգ կղզին և Իրանի այլ նավթային ենթակառուցվածքները, գրում է CNN-ը:
Պարսից ծոցի այս փոքրիկ կղզին Իրանի համար տնտեսական կենսական նշանակություն ունի և ապահովում է երկրի հում նավթի արտահանման շուրջ 90%-ը։
ԱՄՆ նախագահը նաև զգուշացրել է, որ այսօր գիշեր զինվորականները «շատ ուժեղ» կհարվածեն Իրանին, և մինչ երկու երկրները կրակով են փոխանակվում, խաղաղության բանակցությունները փակուղի են մտնում։
«ԱՄՆ-ն այսօր գիշեր շատ ուժեղ հարված կհասցնի Իրանին (որի ռազմածովային ուժերը, ռազմաօդային ուժերը, ռադարները, հակաօդային պաշտպանության համակարգերը և պաշտպանության մյուս բոլոր ձևերը, ինչպես նաև նրա հարձակողական կարողությունների մեծ մասը, այլևս գոյություն չունեն)։ Ոչ այնքան հեռավոր ապագայում մենք կգրավենք Խարգ կղզին և նավթային ենթակառուցվածքների այլ կետեր և կստանձնենք նրանց նավթի ու գազի շուկաների լիակատար վերահսկողությունը, ինչպես դա արեցինք Վենեսուելայի հետ, ինչը հիանալի է աշխատում և՛ Վենեսուելայի, և՛ Միացյալ Նահանգների համար,- գրել է Թրամփը Truth Social-ում։
Նշենք, որ ԱՄՆ-ն և Իրանը գիշերը փոխադարձ հարվածներ են հասցրել, իսկ Թրամփը ավելի վաղ զգուշացրել էր, որ ռմբակոծությունները կշարունակվեն, եթե փոխըմբռնման հուշագրի չհասնեն։
Թարգմանությունը՝ Էմմա Չոբանյանի
