16.08.2026 | 15:48
Համաշխարհային օվկիանոսի ջերմաստիճանը հասել է 2026 թվականի սկբից առավելագույն արժեքին․ Լևոն Ազիզյան
Իրանն ու Ադրբեջանը համաձայնության են եկել Արաքս գետի ջրային պաշարների բաշխման վերաբերյալ
Քաղաքականություն
11.06.2026 | 17:20
Հունիսի 8-ից 11-ը Իրանում տեղի է ունեցել Արաքս գետի ջրային և էներգետիկ ռեսուրսների օգտագործման հարցերով Ադրբեջանի և Իրանի համատեղ հանձնաժողովի 55-րդ նիստը։ Ադրբեջանի ջրային ռեսուրսների պետական գործակալության հաղորդմամբ՝ նիստը վարել են Ադրբեջանի ջրային ռեսուրսների պետական գործակալությանն առընթեր Տարածաշրջանային ջրային մելորացիայի ծառայության խորհրդի նախագահ Զաքիր Գուլիևը և Իրանի էներգետիկայի նախարարության սահմանային գետերի գլխավոր վարչության պետ Ֆարիբա Ավերիդեն։
Միջոցառմանը մասնակցել են Տարածաշրջանային ջրային մելորացիայի ծառայության, Ադրբեջանի ջրային ռեսուրսների պետական գործակալությանն առընթեր ջրօգտագործման և պաշտպանության պետական ծառայության, Ադրբեջանի էկոլոգիայի և բնական պաշարների նախարարության և «Ազերէներջի» ԲԲԸ-ի ներկայացուցիչները։
Հանդիպման ընթացքում մշակվել և հաստատվել են Արաքս գետի ջրային ռեսուրսների երկու երկրների միջև բաշխման աշխատանքի ռեժիմները։ Բացի այդ, քննարկվել են գետից ջրառի մոնիթորինգի, ջրի որակի վերահսկման, գետի վրա նոր, ժամանակակից ջրաչափական սարքերի տեղադրման և փոխադարձ համագործակցության այլ ոլորտների հետ կապված հարցեր։
Քննարկումների արդյունքում կողմերը ստորագրել են առաջիկա համատեղ աշխատանքների վերաբերյալ ամփոփիչ արձանագրություն։
Թարգմանությունը՝ Էմմա Չոբանյանի
