10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Ադրբեջանի ռազմածովային ուժերը Կասպից ծովում զորավարժություններ են անցկացնում
Քաղաքականություն
10.06.2026 | 21:52
Ադրբեջանի պաշտպանության նախարար առաջին տեղակալ, գլխավոր շտաբի պետ, գեներալ-գնդապետ Քերիմ Վելիևը և ՊՆ այլ բարձրաստիճան պաշտոնյաներ հետևել են Ռազմածովային ուժերի կողմից անցկացվող մարտական կրակով մարտավարական զորավարժություններին։ Ադրբեջանական լրատվամիջոցների հաղորդմամբ՝ վարժանքներին ներգրավված են Ռազմածովային ուժերի, Ռազմաօդային ուժերի, Պետական սահմանապահ ծառայության ափային պահպանության և Արտակարգ իրավիճակների նախարարության համապատասխան ստորաբաժանումները։
Զորավարժությունների պլանի համաձայն՝ Կասպից ծովի ադրբեջանական ջրերում իրականացվել են տարբեր առաջադրանքներ, այդ թվում՝ պայմանական թշնամու ոչնչացում, ինչպես նաև զինված ուժերի այլ ճյուղերի և զինված կազմավորումների հետ համատեղ գործողություններ։
Վարժանքների հիմնական նպատակն է՝ կատարելագործել հրամանատարների և անձնակազմի հմտությունները մարտական գործողությունների կազմակերպման և ուժերի կառավարման գործում, ինչպես նաև ստուգել նավերի պատրաստվածությունը մարտական առաջադրանքներ կատարելու համար՝ ինչպես ինքնուրույն, այնպես էլ մարտավարական խմբի կազմում։
Թարգմանությունը՝ Էմմա Չոբանյանի
