22.10.2026 | 23:31
Ուսանողական վիզայի պայմանների խախտումը կարող է զրկել ապագայում ԱՄՆ վիզա ստանալու իրավունքից
Մանդատների հետ կապված որոշում չունենք. Գոհար Մելոյան․ ՏԵՍԱՆՅՈՒԹ
Քաղաքականություն
10.06.2026 | 16:39
«Մանդատների հետ կապված ո՛չ քաղաքական որոշում ունենք, ո՛չ էլ ըստ էության համապարփակ քաղաքական քննարկումներ ենք իրականացրել»,- այս մասին Factor TV-ի հարցին ի պատասխան ասաց «Ուժեղ Հայաստան» կուսակցությունների դաշինքի պատգամավորի թեկնածու Գոհար Մելոյանը։
Նրա խոսքով՝ այժմ իրականացվում են միայն ամփոփումներ և զուգահեռ խորհրդակցություններ, սակայն համապարփակ քաղաքական քննարկում կամ վերջնական որոշում դեռ չկա։ Մելոյանը ընդգծեց, որ խոսքը նախնական արդյունքների մասին է, որոնք կարող են հետագայում ճշգրտվել, այդ թվում՝ ԲՀԿ-ի՝ ընտրական շեմը հաղթահարելու հետ կապված հարցում։
«Մենք պետք է հասկանանք՝ որքան քվե ունենք, ժողովուրդը ինչ է մեզ պատվիրակել»,- նշեց նա՝ ընդգծելով, որ վերջնական որոշում կայացնելիս հաշվի են առնելու նաև իրենց աջակիցների կարծիքը։
Խոսելով ընդդիմություն դառնալու հնարավոր տարբերակների մասին՝ Մելոյանն ընդգծեց, որ պետք է գնահատել արդյոք խորհրդարանական կամ արտախորհրդարանական գործունեությունն ավելի արդյունավետ է քաղաքական նպատակների իրականացման համար։
Մեր այն հարցին՝ Սամվել Կարապետյանի հետ հանդիպել ու քննարկել են ստեղծված իրավիճակը, Գոհար Մելոյանը բացասական պատասխան տվեց։
Մանրամասները՝ տեսանյութում։
Արփի Հակոբյան
