26.07.2026 | 20:00
Ի՞նչ արժե անվճար կայանատեղին. վճարովի օգնություն «ստայանշիկ»-ներից. ապօրինի արգելքների ՇԵՐՏԵՐԸ. ՏԵՍԱՆՅՈւԹ
Թուրքիայի քրդամետ կուսակցությունը շնորհավորել է Նիկոլ Փաշինյանին
Քաղաքականություն
10.06.2026 | 16:12
Թուրքիայի քրդամետ «Ժողովուրդների հավասարություն և ժողովրդավարություն» (DEM) կուսակցության համանախագահներ Թուլայ Հաթիմօղուլարին և Թունջեր Բաքիրհանը շնորհավորական ուղերձ են հղել Նիկոլ Փաշինյանին հունիսի 7-ին կայացած ընտրություններում հաղթանակի կապակցությամբ։
«Չափազանց արժեքավոր է, որ հայ ժողովուրդը, չնայած վերջին տարիների բոլոր դժվարություններին և տարածաշրջանային լարվածությանը, կրկին քվեատուփի մոտ հստակ ընտրություն կատարեց խաղաղության, կայունության և ժողովրդավարական ապագայի օգտին։ Այս ընտրական կամքն ամենաակնհայտ ցուցիչն է, որ ժողովուրդները, հակամարտության փոխարեն, ընտրում են համակեցությունն ու երկխոսությունը։ Մենք խորապես համոզված ենք, որ Ձեր ղեկավարությամբ հետապնդած տեսլականը՝ հիմնված հարևանների հետ խաղաղության և տարածաշրջանային համագործակցության ձգտման վրա, կստեղծի Հարավային Կովկասում երկարատև խաղաղության մթնոլորտ։ Տարածաշրջանի ժողովուրդների բարեկեցությունը կախված է արդարության և հավասարության հիման վրա բարիդրացիական հարաբերությունների ամրապնդումից։ Այս պատմական պահին մենք հույս ունենք, որ ժողովրդի մեծ աջակցությամբ Ձեր կողմից վերականգնված վստահությունը խաղաղություն կբերի Հայաստանին և ամբողջ տարածաշրջանին»,- ասվում է հայտարարությունում։
Թարգմանությունը՝ Էմմա Չոբանյանի
