05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Պուտինի և Փաշինյանի հանդիպման վերաբերյալ դեռևս հստակ պայմանավորվածություններ չկան․ Պեսկով
Քաղաքականություն
10.06.2026 | 15:23
Ռուսաստանի նախագահ Վլադիմիր Պուտինի և ՀՀ վարչապետ Նիկոլ Փաշինյանի հանդիպման վերաբերյալ այս պահին որևէ հստակ պայմանավորվածություն չկա։ Այս հարցի շուրջ երկկողմ համաձայնություններ կլինեն Հայաստանում ընտրարշավից հետո։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
ՀՀ վարչապետն ավելի վաղ հայտարարել էր, որ նախատեսում է հանդիպել Ռուսաստանի նախագահի հետ ընտրություններից անմիջապես հետո։
«Ընտրությունների արդյունքների հրապարակումը սպասվում է հունիսի 14-ին։ Դուք գիտեք, որ շատ մասնակիցներ պատրաստվում են վիճարկել [արդյունքները], վերահաշվարկ կլինի։ Այսպիսով, դա բավականին երկար և բարդ գործընթաց է»,- հավելել է Կրեմլի խոսնակը։
Պեսկովն ասել է, որ «ՀՀ վարչապետը, հավանաբար, զբաղված է երկրի ներսում տեղի ունեցող այդ գործընթացներով՝ մինչև [ընտրարշավի] ավարտը»։
«Այնուհետև, կախված այս ընտրական գործընթացի վերջնարդյունքից, մենք որոշումներ կկայացնենք [հանդիպման վերաբերյալ] երկկողմ մակարդակով»,- ասել է Կրեմլի խոսնակը։
Թարգմանությունը՝ Էմմա Չոբանյանի
