22.10.2026 | 20:15
Փաշինյանը 2 տարի ունի․ կա՛մ ընդդիմությանը կհամոզի, կա՛մ նոր ընտրություններ կլինեն. ՏԵՍԱՆՅՈՒԹ
Նորվեգիայի հավաքականն իր հետ 300 կգ ձուկ կտանի ԱԱ-2026-ին
10.06.2026 | 13:56
Նորվեգիայի հավաքականն ԱՄՆ-ում, Կանադայում և Մեքսիկայում կայանալիք աշխարհի առաջնությանը կտանի 300 կգ ձուկ ու երկրի հայտնի խոհարարներին, որոնք կընդգրկվեն թիմի պատվիրակության կազմում, հաղորդում է VG-ն։
Նախաձեռնության նպատակն է ֆուտբոլիստներին հնարավորություն տալ շարունակել օգտագործել իրենց սովորական սնունդը, ինչը կարևոր է համարվում մրցումների ժամանակ կենտրոնացվածությունը և արդյունավետությունը պահպանելու համար։
Այդ պրակտիկան նորություն չէ սկանդինավյան թիմի համար։ Նախորդ Օլիմպիական խաղերում ևս Նորվեգիան տեղական սննդամթերք էր տարել իր հետ՝ մարզիկների կարիքները բավարարելու համար։
Սննդի ցանկում կլինի նաև 116 կգ շագանակագույն պանիր և 6000 նարինջ: Աշխարհի առաջնությանը մեկնող խոհարարների թվում կլինի Քրիստիան Կարլսոնը, որն ազգային հավաքականի հետ աշխատում է 90-ականներից:
Հունիսի 11-ից հուլիսի 19-ին անցկացվելիք ԱԱ-2026-ի խմբային փուլում նորվեգացիները կմրցեն Ֆրանսիայի, Սենեգալի ու Իրաքի հավաքականների հետ։
