16.08.2026 | 18:49
Հունգարիայում լեհական ավտոբուսի վթարի հետևանքով 12 զբոսաշրջիկ է զոհվել
Թուրքիայի ԱԳ նախարարը Լավրովի բանակցություններում նաև Հարավային Կովկասին կանդրադառնա
Քաղաքականություն
10.06.2026 | 13:08
Թուրքիայի արտաքին գործերի նախարար Հաքան Ֆիդանը հունիսի կեսերին կայցելի Ռուսաստան՝ ԱԳ նախարար Սերգեյ Լավրովի հետ բանակցությունների։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է Ինտերֆաքսը։
«Հունիսի 15-17-ը տեղի կունենա Թուրքիայի արտաքին գործերի նախարարի աշխատանքային այցը Մոսկվա։ Նախատեսվում են բանակցություններ Ռուսաստանի արտաքին քաղաքական գերատեսչության ղեկավարի հետ, ինչպես նաև այլ երկկողմ շփումներ»,- ասել է նա։
Զախարովան հավելել է, որ բանակցությունները «նախատեսում են տարբեր ոլորտներում ռուս-թուրքական հարաբերությունների զարգացման վերաբերյալ մտքերի առարկայական փոխանակում»։
«Արտաքին քաղաքական գերատեսչությունների ղեկավարները կքննարկեն միջազգային օրակարգի առանցքային հարցերը, այդ թվում՝ իրավիճակը Մերձավոր Արևելքում, Սևծովյան տարածաշրջանում, Անդրկովկասում, Կենտրոնական Ասիայում և այլ արդիական թեմաներ»,- նշել է Զախարովան։
Թարգմանությունը՝ Էմմա Չոբանյանի
