02.07.2026 | 22:37
Վթարային ջրանջատում` Արարատի մարզում
Ադրբեջանը ծրագրում է Թուրքիայից KAAN կործանիչներ գնել
Քաղաքականություն
09.06.2026 | 21:24
Մինչև 2035 թվականն Ադրբեջանը նախատեսում է գնել շուրջ 20 միավոր թուրքական KAAN կործանիչ, հաղորդում է Turkiye Gazetesi-ին, որին վկայակոչում են ադրբեջանական լրատվամիջոցները։
Նշվում է, որ պոտենցիալ գնորդների թվում են Ինդոնեզիան, Սաուդյան Արաբիան, Իսպանիան, Պակիստանը, Կատարը, Եգիպտոսը, Մալայզիան և Սիրիան։ Ըստ տեղեկությունների՝ Ադրբեջանը, Մալայզիան և Սիրիան արդեն բանակցություններ են վարում Թուրքիայի հետ։
Հրապարակման համաձայն՝ Սաուդյան Արաբիան քննարկում է 100 ինքնաթիռ գնելու հնարավորությունը և այժմ քննարկում է այդ հարցն Անկարայի հետ: Իսպանիան նույնպես հետաքրքրված է KAAN-ով՝ ծրագրելով գնել 60 կործանիչ։
Ավելին, անցյալ տարվա հունիսին Ստամբուլում կայացած IDEF-2025 միջազգային պաշտպանական արդյունաբերության ցուցահանդեսում Ինդոնեզիան պայմանագիր է կնքել Թուրքիայի հետ 48 KAAN կործանիչ գնելու վերաբերյալ: Թուրքիայի նախագահ Ռեջեփ Թայիփ Էրդողանը նշել է, որ այս համաձայնագիրը Թուրքիայի պատմության մեջ ամենամեծ ռազմաարդյունաբերական արտահանման պայմանագիրն է:
Այս ինքնաթիռները Թուրքիայի ռազմաօդային ուժերին կփոխանցվեն 2030 թվականին՝ երկու տարվա ինտենսիվ փորձարկումներից հետո։
Թուրքիան հինգերորդ սերնդի KAAN կործանիչը մշակում է իր ազգային ավիացիայի զարգացման ծրագրի շրջանակում՝ 2013 թվականից ի վեր։ Առաջին նախատիպը հաջողությամբ ավարտել է իր փորձնական թռիչքը 2024 թվականին, իսկ սերիական արտադրությունը նախատեսվում է սկսել 2028 թվականին։
Թարգմանությունը՝ Էմմա Չոբանյանի
