02.07.2026 | 18:49
ԵՄ դատարանը հաստատել է Google-ի ավելի քան 4 միլիարդ եվրոյի տուգանքը
Չինաստանում գենետիկորեն մոդիֆիկացված առաջին երեխաներն են ծնվել
26.11.2018 | 23:00
Չինացի հետազոտողը պնդում է, որ իր ղեկավարությամբ լույս աշխարհ են եկել գենետիկորեն մոդիֆիկացված առաջին երեխաները: Այս մասին հաղորդում է Vesti.ru-ն՝ վկայակոչելով Associated Press-ը:
Շենչժենի համալսարանից Հե Ցզյանկույի խոսքով՝ էմբրիոնների ԴՆԹ-ն փոփոխել են գենետիկ խմբագրման հայտնի մեթոդի՝ CRISPR-ի օգնությամբ: Գեների հաջորդականությունից հետազոտողները հեռացրել են CCR5 գենը, որն օրգանիզմի բջիջները խոցելի է դարձնում ՄԻԱՎ վիրուսի հանդեպ:
Հե Ցզյանկույը պատմել է, որ նոյեմբերին իրենց գիտափորձը հաջողությամբ ավարտվել է. ծնվել են երկվորյակ աղջիկներ, որոնց էմբրիոնները CRISPR-ի օգնությամբ մոդիֆիկացվել են՝ մինչ մոր օրգանիզմում տեղադրելը:
Ամենայն հավանականությամբ, գիտափորձի մանրամասները կներկայացվեն վաղը Հոնկոնգում մեկնարկելիք Մարդկային գենոմի խմբագրման երկրորդ միջազգային գագաթնաժողովի ընթացքում:
