10.10.2026 | 16:31
ՊՆ փոխնախարարը զորամասում ծանոթացել է ծառայության կազմակերպմանը
ՀՀ ԱԳ փոխնախարարն ու Իսպանիայի պետքարտուղարը քննարկել են Հայաստան-ԵՄ օրակարգը
Քաղաքականություն
02.06.2026 | 22:30
Մադրիդում անցկացվող Ֆեմինիստական դիվանագիտության 5-րդ նախարարական համաժողովի շրջանակում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Իսպանիայի արտաքին և գլոբալ հարցերով պետքարտուղար Դիեգո Մարտինես Բելիոյին։ Կողմերը քննարկել են Հայաստան-Իսպանիա համագործակցության խորացման հնարավորությունները, տարածաշրջանային անվտանգության հարցերը, Հայաստան-ԵՄ հարաբերությունների ռազմավարական օրակարգը, ինչպես նաև Երևանում կայանալիք ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովի նախապատրաստական աշխատանքները։ Այս մասին տեղեկացնում են ՀՀ ԱԳՆ-ից։
«Զրուցակիցները բարձր են գնահատել բազմակողմ հարթակներում և միջազգային կազմակերպությունների շրջանակներում Հայաստանի և Իսպանիայի միջև առկա փոխգործակցությունը և քննարկել փոխադարձ հետաքրքրություն ներկայացնող հարցերի շուրջ համագործակցության խորացման հնարավորությունները։ Մտքեր են փոխանակվել «ՄԱԿ80» բարեփոխումների շրջանակներում ընթացող գործընթացների վերաբերյալ։
Հանդիպմանն անդրադարձ է կատարվել տարածաշրջանային անվտանգության հարցերին: ԱԳ նախարարի տեղակալ Ռոբերտ Աբիսողոմոնյանը ներկայացրել է Հարավային Կովկասում վերջին զարգացումները, այդ թվում՝ ԹՐԻՓՓ ծրագրի միջպետական համաձայնագրի նախաստորագրումը՝ ընդգծելով հաստատված խաղաղության հետագա ինստիտուցիոնալացման կարևորությունը:
ԱԳ նախարարի տեղակալն անդրադարձել է նաև այս տարի Երևանում կայանալիք ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովի ընթացիկ աշխատանքներին: Ընդգծվել է Համաժողովին նախորդող Առաջնորդների գագաթնաժողովին բարձր մակարդակի մասնակցության կարևորությունը` կենսաբազմազանությանն առնչվող մարտահրավերների պատշաճ հասցեագրման համար։
Զրուցակիցները քննարկել են նաև երկկողմ օրակարգի մի շարք հարցեր, ինչպես նաև անդրադարձել են Հայաստան-Եվրոպական միություն հարաբերությունների ռազմավարական օրակարգին՝ կարևորելով դրա հետևողական առաջմղումը»,- ասվում է հաղորդագրությունում:
