14.07.2026 | 17:22
Եվրախորհրդարանում Բաքվում պահվող հայ գերիների հետ կապված համաժողով է ընթանում
Ադրբեջանն ու ԱՄՆ-ն շրջանակային փաստաթուղթ են ստորագրել հազվագյուտ մետաղների արդյունահանման և մատակարարման վերաբերյալ
Քաղաքականություն
02.06.2026 | 16:11
Ադրբեջանն ու Միացյալ Նահանգները Բաքվի էներգետիկ շաբաթվա և Ադրբեջան-ԱՄՆ առաջին տնտեսական երկխոսության շրջանակում ստորագրել են շրջանակային համաձայնագիր՝ կրիտիկական հանքանյութերի և հազվագյուտ հողային տարրերի՝ մետաղների արդյունահանման, վերամշակման և մատակարարման ոլորտում համագործակցության վերաբերյալ։ Այս մասին հայտնում են ադրբեջանական լրատվամիջոցները։
Հաղորդվում է, որ փաստաթղթերից մեկը Ադրբեջանի և Միացյալ Նահանգների միջև շրջանակային համաձայնագիրն է «Կրիտիկական կարևոր հանքանյութերի և հազվագյուտ հողային տարրերի արդյունահանման և վերամշակման համար մատակարարումների ապահովում» անվանումով։
Փաստաթուղթը ստորագրել են Ադրբեջանի էկոնոմիկայի նախարար Միքայիլ Ջաբարովը և ԱՄՆ պետքարտուղարի տնտեսական, էներգետիկայի և բիզնեսի հարցերով օգնական Քալեբ Օրը։
Նշվում է, որ Ադրբեջանի Էկոնոմիկայի նախարարությունը և SOCAR նավթային ընկերությունը ստորագրել են տարբեր երկրների հետ մի շարք կարևոր փաստաթղթեր, որոնք վերաբերում են տնտեսության, էներգետիկայի, ներդրումների և տեխնոլոգիաների ոլորտներին։ Ստորագրված համաձայնագրերի ընդհանուր արժեքը կազմում է շուրջ 8 միլիարդ դոլար։
Թարգմանությունը՝ Էմմա Չոբանյանի
