10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
ԵՏՄ երկրները պետք է մինչև դեկտեմբեր քննարկեն Հայաստանի շուրջ բոլոր նրբությունները․ Պեսկով
Քաղաքականություն
01.06.2026 | 18:00
ԵՏՄ երկրների ղեկավարների քառակողմ հայտարարությունը ենթադրում է, որ մինչև դեկտեմբեր կմշակվեն Միությանը Հայաստանի անդամակցության հետ կապված բոլոր նրբությունները։ Այս մասին լրագրողներին հայտարարել է Ռուսաստանի նախագահի մամուլի քարտուղար Դմիտրի Պեսկովը։
Նա նշել է, որ երկրների համապատասխան կառույցները պետք է «այս հարցում իրենց մշակման մասին զեկուցեն» առաջնորդներին։
«Այս ամենը պետք է քննարկվի մինչև դեկտեմբեր», – հավելել է Կրեմլի խոսնակը։
Նա նաև հայտնել է, որ Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հեռախոսազրույցը ներառել է նաև ԵՏՄ-ին երկրի անդամակցության բոլոր ասպեկտները, այդ թվում՝ չորս առաջնորդների կողմից արված հայտարարությունը։
«Քննարկել են ընդհանուր առմամբ։ Քննարկում է տեղի ունեցել որպես շարունակություն այն օրակարգի, որը կար Աստանայում տեղի ունեցած Բարձրագույն [Եվրասիական տնտեսական] խորհրդի նիստում»,- հավելել է Պեսկովը։
Թարգմանությունը՝ Էմմա Չոբանյանի
