21.06.2026 | 19:02
Ջեյ Դի Վենսը հայտնել է Իրանի հետ բանակցություններում առաջընթացի մասին
Նիժնի Նովգորոդում ուկրաինական ԱԹՍ-ի արձակման հետևանքով վնասվել է շրջանային դատարանի շենքը
Քաղաքականություն
28.05.2026 | 13:13
ՌԴ Նիժնի Նովգորոդի մարզի նահանգապետ Գլեբ Նիկիտինը հայտարարել է, որ անօդաչու թռչող սարքի հարձակման հետևանքով վնասել է մարզային դատարանի շենքը, գրում է Current time-ը։
Նա նշել է, որ տարածաշրջանի վրա մի քանի անօդաչու թռչող սարքեր են խոցվել։ Նախնական տեղեկությունների համաձայն՝ տուժածներ չկան։
«Մասնագետներն աշխատում են դեպքի վայրում։ Հակաօդային պաշտպանության գործողությունները շարունակվում են։ Արտակարգ իրավիճակների ծառայություններն աշխատում են ուժեղացված ռեժիմով», – հավելել է նա։
Astra-ն, հղում անելով քաղաքի Սովետսկի շրջանի բնակիչներին, որտեղ գտնվում է դատարանը, հաղորդել է պայթյունների և ցածր բարձրության վրա թռչող անօդաչուի մասին։ NN.RU-ի փոխանցմամբ էլ՝ դատարանի շենքը շրջափակված է անվտանգության ուժերի կողմից, իսկ տարածք մուտքը փակ է կարմիր ժապավենով։
Ռուսաստանի պաշտպանության նախարարությունը հայտնել է, որ մայիսի լույս 28-ի գիշերը Բելգորոդի, Բրյանսկի, Վորոնեժի, Նիժնի Նովգորոդի և Տամբովի մարզերում, ինչպես նաև բռնակցված Ղրիմի և Ազովի ծովի վրա խոցվել է ուկրաինական 62 անօդաչու թռչող սարք։
Թարգմանությունը՝ Էմմա Չոբանյանի
