06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Զելենսկին հրամայել է պատրաստվել ևս երկու-երեք տարվա պատերազմի․ The Economist
Քաղաքականություն
27.05.2026 | 17:40
Ուկրաինայի նախագահ Վլադիմիր Զելենսկին «հրամայել է պատրաստվել ևս երկու-երեք տարվա պատերազմի»: Այս մասին հաղորդում է The Economist-ը՝ հղում անելով կառավարության աղբյուրներին, գրում է BBC-ի ռուսական ծառայությունը։
«Չկա որևէ համոզիչ պատճառ, թե ինչու Ուկրաինան չի կարողանա այդքան երկար դիմանալ մարտում»,- գրում է լրատվամիջոցը։
Ըստ հրապարակման՝ Ուկրաինայի համար առաջնագծից ստացված վերջին լուրերն «ամենախոստումնալիցն են տարիների ընթացքում»։ Նշվում է Ռուսաստանի խորքին արդյունավետ հարվածների մասին՝ ուղղված նավթավերամշակման գործարաններին և ռազմական գործարաններին։
«Անկախ նրանից, թե որքան վատ է թվում, մենք կհաղթահարենք սա»,- ասել է լրատվամիջոցի բարձրաստիճան հետախուզական աղբյուրը։
Միաժամանակ, The Economist-ը կանխատեսում է, որ Ուկրաինան, հավանաբար, պատերազմից դուրս կգա որպես «վնասված, բայց գործող ժողովրդավարություն և նոր տարածաշրջանային տերություն՝ ավելի աղքատ, տրավմատիզացված, բայց վստահ իր ինքնության մեջ»։
ՌԲԿ Ուկրաինայի կառավարական աղբյուրը, սակայն, հերքել է հաղորդագրությունն այն մասին, որ Ուկրաինան պատրաստվում է «երկու-երեք տարվա պատերազմի»՝ այս տեղեկատվությունն անվանելով «հին արտահոսք»։
Թարգմանությունը՝ Էմմա Չոբանյանի
