10.10.2026 | 19:12
Ֆուտբոլի Հայաստանի հավաքականը հոկտեմբերի 14-17-ը մարզական հավաք կանցկացնի. Մ-17
Կրեմլը հայտնում է, որ առաջիկայում Պուտինի և Փաշինյանի շփում չի նախատեսվում
Քաղաքականություն
27.05.2026 | 14:35
Ռուսաստանի նախագահ Վլադիմիր Պուտինի շփում Հայաստանի վարչապետ Նիկոլ Փաշինյանի հետ առաջիկայում պլանավորված չէ։ Այս մասին ճեպազրույցի ժամանակ հայտարարել է Կրեմլի խոսնակ Դմիտրի Պեսկովը, գրում է Ինտերֆաքսը։
«Ոչ, դրանք (շփումները) վերջերս են եղել, ուստի նման ծրագրեր չկան»,- ասել է նա Աստանա թռչելուց առաջ, որտեղ այս շաբաթ պետք է տեղի ունենա ԵՏՄ գագաթնաժողովը։
Նիկոլ Փաշինյանն ապրիլի 1-ին Մոսկվայում հանդիպել էր Ռուսաստանի նախագահի հետ։ Նրանց հաջորդ հանդիպումը, ըստ Փաշինյանի, նախատեսված է հունիսին։
Հայաստանում խորհրդարանական ընտրությունների քարոզարշավով պայմանավորված՝ Նիկոլ Փաշինյանը չի մասնակցելու Աստանայում կայանալիք ԵՏՄ գագաթնաժողովին։ Հայաստանը ներկայացնելու է փոխվարչապետ Մհեր Գրիգորյանը։
Թարգմանությունը՝ Էմմա Չոբանյանի
