26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Պարզ է` իր այն թիմակիցն է ինֆորմացիա փոխանցել, ում հետ մտերիմ է. Հակոբյանը` Թևանյանի մասին. ՏԵՍԱՆՅՈՒԹ
Քաղաքականություն
22.05.2026 | 19:33
ԱԺ ՔՊ խմբակցության պատգամավոր Հասմիկ Հակոբյանը Factor TV-ի հետ զրույցում մեկնաբանեց «Մայր Հայաստան» շարժման առաջնորդ, ԲՀԿ նախընտրական ցուցակի 2-րդ համար Անդրանիկ Թևանյանի նկատմամբ նախաձեռնված քրեական վարույթը։
«Ենթադրվում է, որ ինչ-որ երկրորդ կամ երրորդ անձի միջոցով է փոխանցվել այդ ինֆորմացիան։ Այսինքն՝ այստեղ արդեն երկու գործողություն է՝ ոչ միայն գաղտնիքի տարածում, այլև գաղտնի ինֆորմացիան ապօրինի կերպով նախ ստանալ, հետո` տարածել»,- ասաց իշխանական պատգամավորը։
Հակոբյանից հարցրինք՝ ո՞ւմ նկատի ունի։
«Իր թիմակիցները, հո ես չեմ կամ իմ թիմակիցները չեն։ Պարզ է, չէ՞՝ իրենց ֆրակցիայից ինչ-որ մեկը։ Հավանաբար, ում հետ ավելի մտերիմ է, կամ ով իր հետ հանցակից է և սնվում է ենթադրյալ նույն 622 հազար դոլարից»,- ասաց Հակոբյանը։
Հարցին՝ արդյոք հայտնի են կոնկրետ անուններ, Հակոբյանը պատասխանեց, որ կոնկրետ անուններ չգիտի և իրավիճակին տիրապետում է միայն պաշտոնական հայտարարությունների մակարդակով։
Հիշեցնենք՝ երեկ Քննչական կոմիտեն քրեական վարույթ նախաձեռնեց Անդրանիկ Թևանյանի նկատմամբ պետական դավաճանության և լրտեսության հատկանիշներով։ Ըստ իրավապահ կառույցի՝ Թևանյանը ռուսերեն թարգմանված տեսքով փոխանցել է փակ նիստի ընթացքի և արդյունքների վերաբերյալ տեղեկություններ՝ դրա դիմաց ստանալով առանձնապես խոշոր չափերի՝ 622 հազար ԱՄՆ դոլար։
Մանրամասները՝ տեսանյութում։
Արփի Հակոբյան
