16.11.2024 | 12:34
Վահագն Խաչատուրյանը ԿԽՄԿ նախագահի հետ քննարկել է գերիներին և անհետ կորածների հարցեր
«Բարի գալուստ Հայաստան» դիվանագիտական ասոցիացիայի անդամներն այցելել են COAF սմարթ կենտրոն
Քաղաքականություն
24.11.2018 | 19:51
Արտաքին գործերի նախարարությանը կից «Բարի գալուստ Հայաստան» դիվանագիտական ասոցիացիայում ձևավորված ավանդույթի շրջանակներում նոյեմբերի 23-ին ասոցիացիայի անդամներն այցելեցին Սաղմոսավանք վանական համալիր և Լոռիում գտնվող COAF սմարթ կենտրոն:
Սաղմոսավանք այցի ընթացքում ասոցիացիայի անդամները ծանոթացան վանական համալիրի պատմությանը և մասնակցեցին սուրբ պատարագի:
COAF սմարթ կենտրոնում տեղի ունեցած շրջայցի ժամանակ Երևանում հավատարմագրված դեսպանների կանայք և կին դեսպանները ծանոթացան կենտրոնի գործունեությանը և իրականացվող ծրագրերին, որոնք ընդգրկում են հստակ կազմավորված ամենօրյա դասընթացներ՝ բլոկչեյն, ռոբոտիկս, ծրագրավորում ու կոդավորում, անգլերեն լեզու, երաժշտություն ու պար, գյուղատնտեսություն, արվեստ և այլ ուղղություններով:
Ասոցիացիայի նախագահ Իրինա Իգիթխանյանը լրագրողների հետ զրույցում նշեց, որ «Բարի գալուստ Հայաստան» դիվանագիտական ասոցիացիան շարունակում է նախաձեռնությունները՝ ուղղված Երևանում հավատարմագրված դեսպանների կանանց և կին դեսպաններին ծանոթացնելու Հայաստանի հարուստ պատմամշակութային ժառանգությանը և ավանդույթներին։ Անդրադառնալով այցի նպատակին նա նշեց, որ այս տարի որոշվել է այդ նախաձեռնությանը նոր երանգ հաղորդել՝ օտարերկրյա գործընկերներին Հայաստանը ներկայացնելով վերջին տարիներին երկրում արագ տեմպերով զարգացող տեղեկատվական և թվային ոլորտի լույսի ներքո, իսկ այցելությունը COAF սմարթ կենտրոն դրա լավագույն առիթն էր հանդիսանում:
Իրինա Իգիթխանյանը մասնավորապես ընդգծեց, որ նորարարությունը և ստեղծագործ կրթությունը Հայաստանի զարգացման օրակարգի հիմնասյուներից են, և կարող է վստահաբար շեշտել, որ Հայաստանը իրապես լուրջ հայտ է ներկայացրել այդ ոլորտները դարձնելու միջազգային հարթակում իր հիմնական այցեքարտը։
