06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
«Կարված գործ է». Թևանյանը հիշեցրել է, որ 2024-ին պատգամավոր չէր, ՔԿ-ն հակադարձում է՝ գիտենք
Քաղաքականություն
21.05.2026 | 22:22
Քիչ առաջ Անդրանիկ Թևանյանն ուղիղ եթեր է մտել և անդրադարձել ՔԿ հաղորդագրությանը ՝ այն գնահատելով «կարված գործ»։
Ըստ քաղաքական գործչի՝ այն Նիկոլ Փաշինյանի ցուցումով է հարուցվել։ Թևանյանն ուշադրություն է հրավիրել այն հանգամանքի վրա, որ 2023 թվականին պատգամավորական մանդատը վայր է դրել։
«Այս կարված գործի անհեթեթությունը միանգամից է աչքի ընկնում, որովհետեև ես 2021-ին ընտրվել եմ պատգամավոր, բայց 2023 թվականին վայր եմ դրել ԱԺ պատգամավորի մանդատը, իսկ այստեղ գրած է, որ 2024-ին տեղի ունեցած փակ նիստի լսումներից տեղեկություններ եմ հաղորդել։
Ես ֆիզիկապես չէի կարող մասնակցել այդ լսումներին»,- ֆեյսբուքյան ուղիղ եթերում հայտնել է Անդրանիկ Թևանյանը։
Թևանյանին արձագանքել է ՔԿ խոսնակը՝ հետևյալ գրառմամբ.«Անդրանիկ Թևանյանն ասում է, որ 2023 թվականին վայր է դրել մանդատը: Այդքանը մենք էլ գիտենք։ Հաղորդագրությունն ուշադիր կարդալու դեպքում կտեսնեք ԱՊՕՐԻՆԻ բառը:
Այսինքն, անձը 2024 թվականի ընթացքում ապօրինի կերպով է հավաքել պետական գաղտնիք պարունակող տեղեկությունները:
Այդ հանգամանքը նույնպես քննության առարկա է»:
