10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Գևորգ Սաֆարյանին տեղափոխել են իր նախընտրած խուցը
Քաղաքականություն
24.07.2017 | 16:32
«Հիմնադիր Խորհրդարանի» անդամ Գևորգ Սաֆարյանին տեղափոխվել են իր նախընտրած խուցը: Այս մասին Factor.am-ին տեղեկացրեցին ՀՀ ԱՆ քրեակատարողական վարչության լրատվական ծառայությունից՝ առանց հստակեցնելու, թե խոսքը որ խցի մասին է:
««Նուբարաշեն» քրեակատարողական հիմնարկն օրենքով սահմանված կարգով այսօր Գևորգ Սաֆարյանի տեղաբաշխման հարցը լուծելու նպատակով կրկին առաջարկել է նրան տեղափոխվել իր նախկին կամ ներկա մասնաշենքի խցերից մեկը՝ հաշվի առնելով նաև Սաֆարյանի՝ այլ անձանց հետ համատեղելիությունը»,- հակիրճ նշեցին քրեակատարողական վարչության լրատվական ծառայությունից:
Հիշեցնենք՝ ընդդիմադիր ակտիվիստ Գևորգ Սաֆարյանին պատժախցում 10 օր պահելուց հետո ՔԿՀ-ի վարչակազմը Սաֆարյանին առաջարկել էր հին խցի փոխարեն տեղափոխվել «Նուբարաշեն» քրեակատարողական հիմնարկի ընդհանուր մասնաշենք, որտեղ, ակտիվիստի և նրա փաստաբան Տիգրան Եգորյանի պնդմամբ, պահվում են քրեական աշխարհի ներկայացուցիչներ։ Ընդդիմադիր ակտիվիստը, մինչդեռ, հայտարարում էր՝ ընդհանուր մասնաշենքում գտնվելը կարող է վտանգել իր կյանքն ու առողջությունը:
Սաֆարյանը փաստաբանի միջոցով նկարագրել էր նաև պատժախցի անտանելի պայամանները, որտեղ 20 օր անցկացրել է: Ի դեպ, Սաֆարյանի պահման պայմանների հետ կապված այսօր ՄԻՊ գրասենյակի մոտ մի խումբ քաղաքացիներ ակցիա անցկացրեցին՝ մեղադրելով ՄԻՊ-ին անգործություն դրսևորելու մեջ: Կառույից, սակայն, հակադարձեցին՝ մեղադրանքներն անհիմն են, իրենք պարբերաբար այցելել են Գևորգին, լսել նրան, ծանոթացել պահման պայմաններին:
Տեղեկացնենք, որ այսօր Գևորգ Սաֆարյանի հարազատները տեսակցել են նրան։
Շողիկ Գալստյան
