09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Ռուսաստանը և Ուկրաինան գերիների են փոխանակել՝ 205-ը 205-ի դիմաց
Քաղաքականություն
15.05.2026 | 12:18
Ռուսաստանը և Ուկրաինան ռազմագերիների փոխանակում են իրականացրել, որի ընթացքում կողմերից յուրաքանչյուրը վերադարձրել է 205 մարդու։ Այս մասին հայտնում է ՌԴ ՊՆ-ն, գրում է Meduza-ն։
Ուկրաինայի նախագահ Վլադիմիր Զելենսկին հաստատել է, որ 205 ռազմագերի վերադարձել է Ուկրաինա և նշել, որ սա 1000-ը 1000-ի դիմաց փոխանակման առաջին փուլն էր, որը ձեռք է բերվել Հաղթանակի օրվա հրադադարի հետ մեկտեղ։
Նախորդ փոխանակումը տեղի էր ունեցել ապրիլի 24-ին, որի ընթացքում կողմերից յուրաքանչյուրը փոխանցել էր 193 գերու։
Մայիսի 8-ին Հաղթանակի օրը հայտարարված եռօրյա հրադադարից հետո ԱՄՆ նախագահ Դոնալդ Թրամփը հայտարարել էր, որ հրադադարը կներառի 1000 գերիների փոխանակում։
Մայիսի 10-ին՝ հրադադարի երկրորդ օրը, Վլադիմիր Զելենսկին հայտարարել էր, որ Ուկրաինայի համակարգող շտաբը գերիների փոխանակման ցուցակները փոխանցել է Ռուսաստանին։ Հրադադարն ավարտվել էր մայիսի 12-ի կեսգիշերին, սակայն փոխանակումը դեռևս տեղի չէր ունեցել։
Թարգմանությունը՝ Էմմա Չոբանյանի
