16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ադրբեջանական SOCAR-ը Վրաստանի նախկին փոխվարչապետին նշանակել է Italiana Petroli-ի ղեկավար
Քաղաքականություն
15.05.2026 | 12:04
Վրաստանի նախկին փոխվարչապետ, էկոնոմիկայի նախկին նախարար Լևան Դավիթաշվիլին, որը հրաժարական էր տվել 2025 թվականին, դարձել է իտալական Italiana Petroli էներգետիկ ընկերության գործադիր տնօրեն՝ այն բանից հետո, երբ այն անցել է ադրբեջանական SOCAR ընկերության վերահսկողության տակ։ Այս մասին ասվում է ընկերության պաշտոնական հաղորդագրության մեջ, գրում է The Insider-ը։
«Այս պաշտոնում Դավիթաշվիլին կղեկավարի IP-ի գործունեությունն Իտալիայում՝ հատուկ ուշադրություն դարձնելով գործառնական շարունակականության ապահովմանը, ընկերության դիրքերի ազգային էներգետիկ շուկայում պահպանմանն ու հետագա ամրապնդման, ինչպես նաև SOCAR խմբին ընկերության ինտեգրման վերահսկմանը»,- ասվում է հայտարարության մեջ։
Դավիթաշվիլին Վրաստանի փոխվարչապետի և էկոնոմիկայի նախարարի պաշտոնը զբաղեցնում էր 2021 թվականից։ Այս պաշտոնում նա վերահսկում էր Թբիլիսիի և Բաքվի միջև էներգետիկ համագործակցությունը, այդ թվում ադրբեջանական գազի մատակարարման շուրջ բանակցությունները։
Վրաստանի կառավարությունից հեռանալուց հետո նա դարձել էր SOCAR-ի նախագահի խորհրդական և նախագահել Black Sea Petroleum (BSP) ընկերության վերահսկիչ խորհուրդը, որը հիմնադրվել է 2022 թվականին՝ Կուլևիի նավթավերամշակման գործարանի կառուցման համար։
Ավելի վաղ The Insider-ը հայտնել էր, որ ռուսական նավթը մատակարարվում է Կուլևիի գործարան, որտեղ այն վերամշակվում է, ապա վաճառվում Արևմուտքին՝ շրջանցելով պատժամիջոցները։
Թարգմանությունը՝ Էմմա Չոբանյանի
