Մեծ Բրիտանիան պատժամիջոցներ է սահմանել ՌԴ-ի նկատմամբ, այդ թվում՝ Հայաստանում միջամտության և իշխանափոխության վրա ազդելու կառույցների

Մեծ Բրիտանիան մայիսի 11-ին հայտարարել է Ռուսաստանի դեմ նոր պատժամիջոցների փաթեթի սահմանման մասին՝ այն անվանելով Ուկրաինայում պատերազմի սկսվելուց ի վեր ամենախիստ սահմանափակումներից մեկը։ Մայիսի 11-ին Մեծ Բրիտանիան պատժամիջոցներ է կիրառել ևս 56 միջամտող անձանց նկատմամբ՝ Ուկրաինայի անկայունացման գործում նրանց դերի համար։

Լոնդոնը հայտարարել է նաև, միջոցառումները պատասխան են Մոսկվայի «թշնամական գործողություններին», այդ թվում՝ Հայաստանում միջամտությունների փորձերի։

Պատժամիջոցներ են սահմանվել «Սոցիալական նախագծման գործակալության» SDA-ի նկատմամբ: Նշվում է, որ այն  ծրագրել է արշավներ, որոնք գրեթե անկասկած հանձնարարվել են նախագահի վարչակազմի կողմից։ Սա ներառում է Հայաստանում ռուսամետ կազմակերպություններ ստեղծելու և իշխանափոխության վրա ազդելու փորձեր՝ հօգուտ ռուսամետ գործիչների։

Նշվում է նաև, որ Ռուսաստանի ֆինանսավորվող SDA-ն իր գործընկեր Structura ընկերության հետ միասին փորձել է իրականացնել մի շարք միջամտության գործողություններ, որոնք նախատեսված են ժողովրդավարությունը խաթարելու և Ուկրաինային միջազգային աջակցությունը թուլացնելու համար:

Պատժամիջոցների փաթեթում ներառված «Դիալոգ»-ն էլ որակվում է որպես Ռուսաստանի կառավարությանը կից կազմակերպություն, այդ թվում՝ Կրեմլի կողմից Ռուսաստանի կողմից օկուպացված Ուկրաինայում բովանդակության կենտրոններ հիմնելու։ Այն գործարկում է բացահայտ և գաղտնի առցանց ակտիվներ, որոնք նախատեսված են ռուսական պետական ​​քարոզչությունը տարածելու համար։

Նշվում է, որ «Դիալոգ»-ը հանձնարարություն է ստացել Ռուսաստանի նախագահի վարչակազմից և համագործակցել է ռուսական հետախուզական ծառայությունների հետ՝ ՌԴ կառավարության անունից չարամիտ ազդեցության արշավներ իրականացնելու համար։ Այն նաև համակարգել է ռուսական հետախուզության հետ Հայաստանի ներքին քաղաքականությանն ուղղված միջամտության ծրագրերը։

Թարգմանությունը՝ Էմմա Չոբանյանի