15.10.2026 | 14:13
Շվեյցարիան աջակցում է ՀՀ-Ադրբեջան խաղաղության պայմանագրի ստորագրման գործընթացին. Իգնասիո Կասիս
Ամերիկյան ընկերությունը հայկական կողմին տրանսպորտային համակարգը վերահսկելու ծառայություն է առաջարկել
Տնտեսություն
24.07.2017 | 16:29
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ընդունել է ամերիկյան «Գլոբալսթար» ընկերության կարգավորման հարցերով փոխնախագահ Բարբի Փոնդերին. տեղեկացնում է ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը:
Ընկերությունը հիմնադրվել է 1991 թվականին, աշխարհի բազմաթիվ երկրներում մասնավոր բաժանորդներին և պետական կառույցներին մատուցում է արբանյակային կապի ծառայություններ:
Բարբի Փոնդերը ներկայացրեց ընկերության ծառայություններից մեկը, որը հնարավորություն է տալիս ունենալ «Գլոբալսթար» արբանյակային հեռախոսահամար, ներմուծել ստանդարտ 140 նիշանոց կարճ հաղորդագրություն:
Գտնվելով աշխարհի ցանկացած կետում, որտեղ չկա բջջային կապ` սարքի մեկ կոճակի հպումով հնարավոր է արբանյակի միջոցով գտնվելու վայրի մասին հաղորդագրությունն ուղարկել ընկերներին ու ընտանիքի անդամներին:
Ընկերությունն առաջարկում է նաև տեղորոշիչ (tracking) ծառայություններ` տրանսպորտային համակարգը կազմակերպելու և վերահսկելու ոլորտում:
Նախարարը, նշելով, որ Հայաստանի տարածքի 90 տոկոսից ավելին ապահովված է բջջային ազդանշանով, ընկերության փոխնախագահին առաջարկեց համագործակցության ուղիներ քննարկել տեղական մասնավոր շահագրգիռ ընկերությունների հետ:
