17.12.2025 | 22:29
Երևանում և 9 մարզում էկեկտրաէներգիայի անջատումներ կլինեն
Կալիֆոռնիայի բնակիչներին չեն զգուշացրել անտառային հրդեհների մասին. չեն ցանկացել խուճապ առաջացնել
Քաղաքականություն
22.11.2018 | 23:08
Խուճապ չառաջացնելու՝ իշխանությունների ցանկությունը հանգեցրել է նրան, որ ԱՄՆ Քալիֆորնիա նահանգի Բյութ շրջանի բնակիչների մեծ մասը ժամանակին չի տեղեկացել անտառային հրդեհների մասին: Արդյունքում այն դարձել է զոհերի թվով ամենամեծ բնության աղետը Քալիֆորնիայում: Այս մասին գրում է ՏԱՍՍ-ը՝ վկայակոչելով ամերիկյան The New York Times պարբերականը:
Պարբերականի լրագրողները զրուցել են Camp անունը ստացած հրդեհի էպիկենտրոնում հայտնված Փերըդայս քաղաքի տարհանված բնակիչների հետ: Պարզվել է՝ բնակիչների մեծ մասը նոյեմբերի 8-ի գիշերը, երբ սկսվել է հրդեհը, սպասվելիք վտանգի մասին տեղեկացել է ազգականներից և ընկերներից:
Պատահարի մասին բնակչությանն իրազեկելու որոշումն ընդունել է Բյութի շերիֆի գրասենյակը: Շերիֆ Քորի Հոնեան այս դեպքում նպատակահարմար է գտել օգտվել «Կարմիր կոդ» կոչվող համակարգից, որը փորձագետները հնացած են համարում: Այն նախատեսում է բնական հրդեհի սպառնալիքի մասին մարդկանց հեռախոսազանգի միջոցով նախազգուշացում: Խնդիրն այն է, որ այս համակարգը գործում է, եթե յուրաքանչյուր կոնկրետ անձ բաժանորդագրված է դրան: Փերըդայսում դա քչերն են արել:
Հավելենք, որ Քալիֆորնիայում բնական հրդեհների հետևանքով զոհերի թիվը հասել է 84-ի, որոնցից 81-ը մահացել է հյուսիսային Բյութ շրջանում: 699 մարդ անհետ կորած է համարվում. նախկինում նրանց թիվն անցնում էր հազարից:
Հրդեհների հետևանքով ավելի քան 18 հազար շինություն է ոչնչացել, այդ թվում՝ 13.5 հազար բնակելի տուն:
