04.06.2026 | 09:00
«Մարգարա» անցակետը հնարավոր է վերագործարկվի․ ՊԵԿ-ը շուրջ 11 մլն դրամի ծախս է իրականացնում
Թրամփը հայտարարել է, որ եթե Իրանի հետ համաձայնության չհասնեն, «ռմբակոծությունները կվերսկսվեն»
Քաղաքականություն
06.05.2026 | 16:55
ԱՄՆ նախագահ Դոնալդ Թրամփը նոր նախազգուշացում է հղել Իրանին՝ հայտարարելով, որ եթե համաձայնության չգան, «ռմբակոծությունները կվերսկսվեն», և դրանք կլինեն «ավելի բարձր մակարդակի և ինտենսիվության, քան նախկինում էր», գրում է CNN-ը։
«Ենթադրելով, որ Իրանը կհամաձայնվի իրականացնել այն, ինչին համաձայնվել է, արդեն լեգենդար «Էպիկական ցասումը» կավարտվի, և բարձր արդյունավետության շրջափակումը թույլ կտա Հորմուզի նեղուցը բաց դարձնել բոլորի համար, այդ թվում՝ Իրանի։ Եթե նրանք չհամաձայնվեն, կսկսվեն ռմբակոծությունները, և դրանք, ցավոք, կլինեն շատ ավելի բարձր մակարդակով և ինտենսիվությամբ, քան նախկինում էին»,- գրել է Թրամփը Truth Social-ում։
ԱՄՆ պետքարտուղար Մարկո Ռուբիոն երեկ լրագրողներին ասել էր, որ գործողությունն արդեն ավարտվել է։
««Էպիկական ցասում» գործողությունն ավարտվել է։ Նախագահը տեղեկացրել է Կոնգրեսին, որ մենք ավարտել ենք գործողության այդ փուլը»,- ասել է Ռուբիոն մամուլի ասուլիսի ժամանակ։
Թարգմանությունը՝ Էմմա Չոբանյանի
