12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Հայաստանում դժվար է բիզնես վարկով բիզնես կառուցել, վարկավորման չափը մեծ է․ Բաբկեն Թունյան․ ՏԵՍԱՆՅՈՒԹ
Տնտեսություն
05.05.2026 | 12:09
Ազգային ժողովում Կենտրոնական բանկի նախագահի ընտրության հարցի քննարկման ժամանակ ելույթ ունեցավ տնտեսական հարցերի մշտական հանձնաժողովի նախագահի տեղակալ Բաբկեն Թունյանը։ Նա անդրադարձավ ֆինանսական համակարգի մարտահրավերներին, վարկավորման խնդիրներին և ԿԲ-ի ու այլ գերատեսչությունների գործառույթների տարանջատմանը։
Անդրադառնալով պատգամավորների դժգոհություններին՝ բիզնես վարկերի բարձր տոկոսադրույքների վերաբերյալ, Թունյանը արձագանքեց․ «Հայաստանում շատ դժվար է, եթե ոչ անհնար, բիզնես վարկով հաջող բիզնես կառուցել։ Վարկավորման չափն էնքան բարձր է, որ բիզնեսի մարժան (շահութաբերությունը) պիտի լինի առնվազն 30-40 տոկոս, որպեսզի այն հաջողի»։
Միաժամանակ նա պաշտպանեց այն թեզը, որ հիփոթեքային վարկավորումը նույնպես տնտեսության ու բիզնեսի ուղղակի աջակցություն է։
Պատգամավորը կարևորեց Կենտրոնական բանկի և Մրցակցության պաշտպանության հանձնաժողովի (ՄՊՀ) միջև գործառույթների հստակեցումը։ Ըստ Թունյանի՝ ֆինանսական ոլորտում մրցակցության վերահսկողությունը պետք է մնա ԿԲ-ին, քանի որ այն առնչվում է ֆինանսական կայունությանը։
«Կենտրոնական բանկը շատ ավելի պրոֆեսիոնալ ու կայացած մարմին է։ Պիտի տարանջատենք՝ ով ինչով է զբաղվում, որպեսզի մրցակցությանն ուղղված քայլերը չվնասեն համակարգի կայունությանը»,- նշեց նա։
Մանրամասները՝ տեսանյութում։
