24.10.2026 | 20:51
Երևան-Աշտարակ ճանապարհին բախվել են Opel-ը և բեռնատարը․ կան զոհեր և տուժածներ
2 մլն եվրո և 1,8 մլն դոլար կանխիկ, 16 անշարժ գույք․ ինչ է հայտարարագրել Նարեկ Կարապետյանը
01.05.2026 | 11:55
«Ուժեղ Հայաստան» կուսակցության խորհրդի անդամ Նարեկ Կարապետյանը ներկայացրել է իր գույքի և եկամուտների հայտարարագիրը։ Նա 16 անշարժ գույքի մասին է հայտնել, որոնք գտնվում են Լոռիում, Երևանում և Ռուսաստանի Դաշնությունում։ Հայտարարագրում նշված է Տաշիրում գտնվող 12 հողամասի մասին, որոնք բաժնային սեփականությամբ 1/7-ով են պատկանում Նարեկ Կարապետյանին, դրանք գնվել են 1991-ի ապրիլի 12-ին, երբ Կարապետյանը 1 տարեկան է եղել։ Կարապետյանը հողամաս ունի նաև Երևանի Աջափնյակ վարչական շրջանում, որը ձեռք է բերվել 2024-ի սեպտեմբերի 26-ին։
Հայտարարագրում նշված է մեկ բնակարան ՌԴ-ում, որը գնվել է 2015-ի դեկտեմբերի 10-ին, ևս մեկ անհատական բնակելի տուն Տաշիրում, որը դարձյալ 1/7 բաժնային սեփականությամբ է պատկանում նրան։ Այն ձեռք է բերվել 1991-ին։ Նարեկ Կարապետյանը որպես նվիրատվություն 2026-ի փետրվարի 11-ին ստացել է անհատական բնակելի տուն Արաբկիրում, սեփականության տեսակը՝ բաժնային։
Կարապետյանը նաև 2 տրանսպորտային միջոց է հայտարարագրել։ 2025-ի արտադրության TOYOTA-ն նվիրատվություն է ստացել հենց թողարկման տարում, իսկ 2021-ի արտադրության MERCEDES-BENZ-ը գնել է 2024-ի նոյեմբերին։ 2016 թվականին թողարկված ևս մեկ TOYOTA մակնիշի ավտոմեքենայի Կարապետյանը 90 և ավելի օր փաստացի տիրապետում է։
Հայտարարատուն նաև բաժնետոմսեր է ձեռք բերել 2020, 2021, 2022 և 2025 թվականներին։
- Վլադիմիր Ռուբչենկովից՝ 250 ռուբլու (2020),
- Սարգիս Աթոյանից՝ 60 միլիոն 364 հազար դրամի (2021),
- «Տաշիր ինվեստ գրուպ» ՓԲԸ-ից՝ 100 դրամի (2022),
- Պաշտպանված անձինց՝ 10 հազար դրամի (2025)։
Նարեկ Կարապետյանը նաև հանձնված փոխառություններն է հայտարարագրել․
- «Տաշիր Ագրո» ՓԲԸ- 39,418 եվրո,
- «Տաշիր Ագրո» ՓԲԸ- 162,250 դոլար,
- «Տաշիր Ագրո» ՓԲԸ- 838,920,057 դրամ։
«Ուժող Հայաստան» կուսակցության խորհրդի անդամը նաև 12 հազար դոլարի չափով ավանդ է հայտարարագրել։
Բանկային հաշիվների մնացորդները․
- 5,709 դոլար,
- 593 եվրո,
- 1,861,902 դրամ,
- 79,086 եվրո։
Կարապետյանը նաև մեծ չափով կանխիկ է հայտարարագրել․
- 2,025,000 եվրո,
- 1,805,000 դոլար,
- 15,000,000 դրամ։
Նարեկ Կարապետյանը եկամտի երկու աղբյուր է հայտարարագրել, երկուսն էլ՝ նվիրատվություն։ 2,135,900 դրամ նվիրատվություն է ստացել Արթուր Հովագիմյանից, 17,140,000 դրամ՝ Արմեն Կարապետյանից։ Բացի այդ, 120,328,000 դրամ փոխառություն է հանձնել մի անձի, որի տվյալները պաշտպանված են։
Հիշեցնենք՝ ավելի վաղ Կոռուպցիայի կանխարգելման հանձնաժողովը ծանուցում էր ուղարկել «Ուժեղ Հայաստան» կուսակցության նախագահ Սամվել Կարապետյանին, ինչպես նաև կուսակցության խորհրդի անդամներ Նարեկ Կարապետյանին, Գոհար Մելոյանին, Ալեքսան Ալեքսանյանին և Դավիթ Ղազինյանին՝ հիշեցնելով նրանց հայտարարագիր ներկայացնելու պարտականության մասին։ Ծանուցվածներից մինչև այժմ հայտարարագիր չի ներկայացրել միայն Սամվել Կարապետյանը։
Եվգենյա Համբարձումյան
